તમારી યાદની કેવી અસર છે જોઈ લો જાતે,
ધ્રુજી ઊઠશે અમારી પીઠના સળ ગમે ત્યારે.
મકરંદ મુસળે

અમર હમણાં જ સૂતો છે -‘અમર’ પાલનપુરી

પવન ફરકે તો એ રીતે ફરકજે પાન ના ખખડે !
કોઈને સ્વપ્નમાં માંગી અમર હમણાં જ સૂતો છે.

દવા તો શું હવે સંજીવની પણ કામ નહીં આપે,
જીવનના ભેદને પામી અમર હમણાં જ સૂતો છે.

ગયો એ હાથથી છટકી, હવે શું બાંધશે દુનિયા-
બધાંયે બંધનો ત્યાગી, અમર હમણાં જ સૂતો છે.

ન જાગે એ રીતે ઊંચકીને એને લઈ જજે, દુનિયા !
સમયની કૂચમાં થાકી, અમર હમણાં જ સૂતો છે.

-‘અમર’ પાલનપુરી

7 Comments »

  1. Suresh said,

    June 3, 2006 @ 5:04 am

    આ કવિતા અમદાવાદના રાસવિહારી દેસાઇ અને વિભા દેસાઇએ બહુ જ સુંદર સ્વર અને સૂરમાં ગાઇ છે. મોટા ભાગે તેમના આલ્બમનું નામ છે- ‘અમે કોમળ કોમળ ‘
    કરુણ પ્રશસ્તિ કાવ્યોમાં મને બહુ જ ગમતું આ કાવ્ય છે.
    અંગ્રેજીમાં અમારે મેટ્રિકમાં ભણવામાં આવતું ‘Coronach’ નામનું કરુણ પ્રશસ્તિ કાવ્ય પણ યાદ આવી ગયું.

  2. Babu Desai "Naraj" said,

    September 23, 2006 @ 7:32 am

    exellent dhaval bhai……really good job for our mothertwank

  3. Babu Desai "Naraj" said,

    September 23, 2006 @ 7:33 am

    exallent

  4. rajesh trivedi said,

    July 5, 2007 @ 7:24 am

    its beautiful, unbelievable,

    જાગે એ રીતે ઊંચકીને એને લઈ જજે, દુનિયા !
    સમયની કૂચમાં થાકી, અમર હમણાં જ સૂતો છે.

    what a reality of life with very simple words. buck up “AMAR”

  5. Taha Mansuri said,

    May 6, 2010 @ 10:38 pm

    પવન, ફરકે તો એ રીતે ફરકજે – પાન ના ખખડે!
    કોઈને સ્વપ્નમાં માગી અમર હમણાં જ સૂતો છે.

    દવા તો શું હવે સંજીવની પણ કામ નહિ આપે,
    જીવનના ભેદને પામી અમર હમણાં જ સૂતો છે.

    મિલન-દૃશ્યો હવે તડપી રહ્યાં છે કરવટો લઈને,
    વિરહના રંગમાં રાચી અમર હમણાં જ સૂતો છે.

    ગગન પ્રગટાવ તુજ દીવડા, નહીં લાગે હવે ઝાંખા,
    નયનનાં દીપને ઠારી અમર હમણાં જ સૂતો છે.

    ગગનનાં આંસુઓ માયાં નહીં ધરતીના પાલવમાં,
    પ્રભાતે જ્યાં ખબર આવી અમર હમણાં જ સૂતો છે.

    અમર જીવન છે એવુ કે જીવન ઓવારણાં લે છે,
    મરણના માનને રાખી, અમર હમણાં જ સૂતો છે.

    કહ્યું શત્રુઓએ મિત્રોને, કરો ઉત્સવની તૈયારી,
    રહી ના જાય કાંઈ ખામી, અમર હમણાં જ સૂતો છે.

    ગયો એ હાથથી છટકી, હવે શું બાંધશે દુનિયા!
    બધાંયે બંધનો ત્યાગી, અમર હમણાં જ સૂતો છે.

    ન જાગે એ રીતે ઊંચકીને એને લઈ જજે, દુનિયા!
    સમયની કૂચમાં થાકી, અમર હમણાં જ સૂતો છે.

    – અમર પાલનપુરી

  6. ધવલ said,

    May 7, 2010 @ 3:28 pm

    આભાર !

  7. Bhadreshkumar Joshi said,

    February 11, 2017 @ 6:30 am

    Thanks a lot, Taha Mansuriji for posting the full version.

RSS feed for comments on this post · TrackBack URI

Leave a Comment