ગઝલ – કુતુબ આઝાદ
હકથી વધારે લેશ અમારે ન જોઈએ,
હક થાય છે તે આપો, વધારે ન જોઈએ.
મઝધારમાં થયું તે થયું વાત વહી ગઈ,
તૂફાનનો અજંપો કિનારે ન જોઈએ.
હૈયામાં એનો પડઘો પડે તો જ મૂલ્ય છે,
અલ્લાહનો અવાજ મિનારે ન જોઈએ.
સ્હેલાઈથી જે પાળી શકો એ જ ધર્મ છે,
નિયમ કોઈ તલવારની ધારે ન જોઈએ.
‘આઝાદ’ જિંદગીની મજા ઔર છે એ દોસ્ત,
આ જિંદગી પરાયે સહારે ન જોઈએ.
-કુતુબ આઝાદ
આ ગઝલનો કયો શેર વધારે ગમી જાય એ નક્કી કરવાનું કઠિન થઈ પડે એમ છે. પણ અલ્લાહના અવાજનું સાચું મૂલ્ય અને મિનારાઓની- ધર્મસ્થાનોની નિરર્થક્તા સમજાવતો શેર મને એટલો ગમી ગયો કે હું દુબારા… દુબારા.. કહેતા થાકતો નથી.
jayshree said,
May 30, 2008 @ 1:55 AM
Very true…. કયો શેર વધુ ગમ્યો એ નક્કી કરવું ખરેખર મુશ્કેલ થઇ છે….
તૂફાનનો અજંપો કિનારે ન જોઇએ…. જિંદગી પરાયે સહારે ન જોઇએ….. નિયમ કોઇ તલવારની ધારે ન જોઇએ… અલ્લાહનો અવાજ મિનારે ન જોઇએ…. હક છે તે આપો, વધારે ન જોઇએ….
અરે દોસ્ત….. દરેક શેર વારંવાર મમળાવવો ગમે એવો…. વારંવાર ગમે એવો…..
jayesh upadhyaya said,
May 30, 2008 @ 2:32 AM
સર્વાઁગ સુઁદર ગઝલ વાહ વાહ
મરીઝનો એક શેર યાદ આવ્યો
ન માંગ એની કને ગજાથી વધુ જીવન
એક પળ એવી દેશે વીતાવી નહીં શકે
RAZIA MIRZA said,
May 30, 2008 @ 5:43 AM
અરે બેટા,જીવતે તો ન લીધી ખબર અમારી,
મર્યા પછી ફૂલ અમારે મઝારે ન જોઈએ.
અતિ સુંદર ગઝલ મોકલવા બદલ વિવેક ભાઈ નો આભાર્
કુણાલ said,
May 30, 2008 @ 6:44 AM
ખુબ જ સુંદર ગઝલ …
આસ્વાદ કરાવવા બદલ ખુબ આભાર ..
Yogendra Sarvaiya said,
May 30, 2008 @ 9:14 AM
કેટ્લુ વાસ્ત્વિક્!
“હૈયામાં એનો પડઘો પડે તો જ મૂલ્ય છે,” !!!
યોગેન્દ્ર.
pragnaju said,
May 30, 2008 @ 9:18 AM
બહુ જાણીતી બહુ ચર્ચાયલી આ ગઝલમાં કદાચ વફાસાહેબનાં મુદ્દા સચોટ અસરકારક છે.
હૈયામાઁ એનો વાસ જો થાયે તો ઠીક છે,
અલ્લાહનો અવાજ મિનારે ન જોઈએ.
(અલ્લાહનો આવાજ તો હર જગા થશે,
હો વસંતકે પાનખર લાઈલાહા ઈલ્લલ્લાહ.
પહાડ,સહરા અને સમુદ્રના મોજાઁ ઉપર
મને છે હુકમે અઝાન લાઈલાહા ઈલ્લલ્લાહ.
આ ‘આઝાદ’સા.ના ત્રીજા શેર નો જવાબ છે._વફા )
————–
“ન જોઈએ”ની એક ગંમતની વાત-
અમેરીકામા ઘણા મૃત્યુ ટાઇલેનોલથી થાય છે માટે
લેબલ જણાવે તે”આલ્કોહોલ સાથે લેવી ન જોઈએ!”
સફરજન,બદામ, એપ્રીકોટ, ચેરી અને પીચનાં બીમા
સાઈનાઈડ છે- તેથી બી કચરીને ખાવા ન જોઈએ
સાચી એ વાત છે તમારી ખુમારી ખુટવી ન જોઈએ.
ઊર્મિ said,
May 30, 2008 @ 5:46 PM
ક્યા બાત હૈ… આ તો આખી ગઝલને દોબારા દોબારા કહેવાનું મન થઈ ગયું…
મને લાગે આ પાંચ શેરની એક ગઝલની જ આખી એક બુક પ્રકાશિત કરવી જોઈએ.
salilupadhyay said,
May 30, 2008 @ 11:05 PM
સરસ બહુ જ સરસ મજા આવી
sharukh said,
May 31, 2008 @ 2:41 AM
સુઁદર ગઝલ અભિનન્દન
સુનીલ શાહ said,
June 1, 2008 @ 9:59 AM
સ્હેલાઈથી જે પાળી શકો એ જ ધર્મ છે,
નિયમ કોઈ તલવારની ધારે ન જોઈએ.
સુંદર..!
PARSHURAM CHAUHAN said,
December 6, 2008 @ 1:20 AM
ઘણી સુંદર ગઝલ છે !! અભિનંદન !!
Abhijeet Pandya said,
September 4, 2010 @ 5:43 AM
મઝધારમાં થયું તે થયું વાત વહી ગઈ,
તૂફાનનો અજંપો કિનારે ન જોઈએ.
ખુબ સુંદર રચના.
mewada bhanu said,
March 26, 2013 @ 1:46 AM
વાહ વાહ્
saifee a kadi said,
September 3, 2019 @ 7:53 AM
સ્હેલાઈથી જે પાળી શકો એ જ ધર્મ છે,
નિયમ કોઈ તલવારની ધારે ન જોઈએ. આ ગઝલમાં .. મુદ્દા સચોટ અસરકારક છે.
ત્રિવેદી અલીહુસેન. લાઠી ----ડી. અમરેલી. ગુજરાત said,
February 21, 2022 @ 11:57 PM
કુતુબ આઝાદ સાહેબ ની ઘણી ગઝલો માની આ એક ખુબજ સુંદર રચના
છે. “ખુમારી રહી છે ના લાલી રહી છે “પણ બેહતરીન ગઝલ છે.