મુક્તક – ઇજન ધોરાજવી
જીવન માટે સદા પ્રત્યેક ક્ષણ સંદેશ આપે છે,
નથી કાયમ અહીં કોઈ – મરણ સંદેશ આપે છે;
જે જન્મે રમ્યતા લઇને એ વિકસે છે પ્રભા થઇને,
ઉષાનું ઊગતું પહેલું કિરણ સંદેશ આપે છે.
– ઇજન ધોરાજવી
તારા વચનનો કેટલો આભાર માનીએ,
વરસો કઠણ હતાં તે ગયાં આજકાલમાં.
વરસો કઠણ હતાં તે ગયાં આજકાલમાં.
7 Comments »
RSS feed for comments on this post · TrackBack URI
અભિષેક said,
April 29, 2010 @ 10:42 PM
પ્રકૃતિના દરેક તત્ત્વમાં કોઇને કોઇ સંદેશ હોય જ છે. બહુ જ સરસ મુક્તક છે.
jagubhai.m.ahir said,
April 30, 2010 @ 6:44 AM
યુગો પછીથી આપને મળવાનું મન થયું,
ચાલ્યા ગયેલા વ્હાણને વળવાનું મન થયું !
એવું તે ક્યાં હતું કે તમને ભૂલી ગયો ?
માણસની પૂરી જાતમાં ભળવાનું મન થયું !
પાણી હતાં તે મન થયું, બનીએ ચલો બરફ,
બરફાવતારમાં જ પીગળવાનું મન થયું !
વ્હેલી સવારે તો ભલેને રંગ પાથર્યા,
કિન્તુ ઢળી જો સાંજ તો ઢળવાનું મન થયું !
કુર્નિશ ન આવડી, અક્કડ ઊભા રહ્યા,
તમને જરાક જોઈને લળવાનું મન થયું !
હર્ષદ હજીયે રોજનો ઉકળાટ છે જ છે,
વરસાદમાં અમથાં જ નીકળવાનું મન થયુ
મનની વાત હોય એટલે અસ્થિરતાની વાત હોવાની. ‘મન થયું’ રદીફ વાપરી હોય એ ગઝલના દરેક શેરમાં મનની ચંચળતા અને વિચારોનું અસ્થિર વલણ નજરે ન ચડે તો કદાચ ગઝલ વિફળ નીવડે. પણ સદભાગ્યે અહીં કવિ મનને બખૂબી ઉપસાવી શક્યા છે. દરેકેદરેક શેર સમાનભાવે આસ્વાદ્ય થયો છે…
pragnaju said,
April 30, 2010 @ 7:13 AM
જીવન માટે સદા પ્રત્યેક ક્ષણ સંદેશ આપે છે,
નથી કાયમ અહીં કોઈ – મરણ સંદેશ આપે છે;
મુક્તકની આ પંક્તીઓ ગમી ગઈ
યાદ્
બસ તમે નક્કી કરી લ્યો, ઝૂલવું કે ઝૂરવું ?
એક પણ મોસમ તમારી ડાળ પર કાયમ નથી.
વિવેક said,
April 30, 2010 @ 7:15 AM
સુંદર મજાનું મુક્તક…
શાહ પ્રવીણચંદ્ર કસ્તુરચંદ said,
April 30, 2010 @ 8:47 AM
સત્યનું ટકોરાબંધ અનુરણન.
impg said,
May 1, 2010 @ 12:40 PM
Very perfect !!!
વિહંગ વ્યાસ said,
May 3, 2010 @ 2:33 AM
સુંદર મુક્તક !