પગ ત્યજીને પગલાં ચાલી નીકળે,
માર્ગ પણ કેવા મવાલી નીકળે !
વિવેક મનહર ટેલર

કમાલ થઈ ગઈ – અનિલ ચાવડા

કોઈ અડક્યું તો કમાલ થઈ ગઈ,
ભીતર ધાંધલધમાલ થઈ ગઈ.

કોઈ આંખ જો ભીની થઈ તો,
કોઈ આંગળી રૂમાલ થઈ ગઈ.

પંખીએ બે ટહુકા વેર્યા,
હવા બધીયે ગુલાલ થઈ ગઈ.

ડાળે ડાળે શુભ સંદેશા,
ઋતુઓ સઘળી ટપાલ થઈ ગઈ.

ઝાકળની જયાં વાત કરી ત્યાં,
સૂરજ સાથે બબાલ થઈ ગઈ.

– અનિલ ચાવડા

4 Comments »

  1. Rakesh Thakkar, Vapi said,

    October 20, 2016 @ 3:13 am

    ક્યા બાત હૈ!
    ઝાકળની જયાં વાત કરી ત્યાં,
    સૂરજ સાથે બબાલ થઈ ગઈ.

  2. વિવેક said,

    October 20, 2016 @ 3:27 am

    વાહ ! શું ગઝલ છે… મજા મજા આવી ગઈ…

  3. CHENAM SHUKLA said,

    October 20, 2016 @ 6:14 am

    કોઈ આંખ જો ભીની થઈ તો,
    કોઈ આંગળી રૂમાલ થઈ ગઈ…..વાહ વાહ

  4. Yogesh Shukla said,

    October 23, 2016 @ 11:09 pm

    સુંદર ગઝલ ,
    કોઈ આંખ જો ભીની થઈ તો,
    કોઈ આંગળી રૂમાલ થઈ ગઈ.

RSS feed for comments on this post · TrackBack URI

Leave a Comment