નથી – કિરીટ ગોસ્વામી
કોઈ વાતે માનવાનું તો નથી,
મન બીજાને ચાહવાનું તો નથી !
તોય લઉં છું રાહ જોવાની મજા :
કોઈ ઘરમાં આવવાનું તો નથી !
હું જ મારી આગમાં આખર બળીશ;
કોઈ તારું દાઝવાનું તો નથી !
સાવ કાચું લાગણીનું ફળ ખરે;
એ સમજથી પાકવાનું તો નથી !
ભાગ્ય મારું, બંધ પરબીડિયું ‘કિરીટ’,
કોઈ આવી વાંચવાનું તો નથી !
– કિરીટ ગોસ્વામી
સાંગોપાંગ આસ્વાદ્ય ગઝલ…
perpoto said,
December 28, 2012 @ 1:52 AM
કોઇ આવી વાંચવાનું તો નથી…છતાં અમે બધાં આ ગઝલ માણવાનો તો છીએ જ…
આવે છે રોજ
ઝાંક્વાનું તો નથી
હું અને સ્વપ્નો
Kalpana Pathak said,
December 28, 2012 @ 8:55 AM
લખી પણ ન શકાય એવી વિરહની પળૉમાથી થો…ડા બહાર આવ્યા પછીની લાગણીનો ખાર પાણીનો સ્ત્રાવ છે આ કવિતા.
આભાર.
અતિસુન્દર
pragnaju said,
December 28, 2012 @ 9:24 AM
સાવ કાચું લાગણીનું ફળ ખરે;
એ સમજથી પાકવાનું તો નથી !
સરસ
સૂર તો નથી પરંતુ સૂરનો ઉઘાડ છું
ભાષા ન ઓળખે એ શબ્દનો પ્રકાર છું
vijay joshi said,
December 28, 2012 @ 11:17 AM
યાદ આવ્યું એક હાઇકુ મારું
કેદી તો નથી
હસ્તરેખાઓ પાછળ,
નસીબ મારું
Shah Pravinchandra Kasturchand said,
December 28, 2012 @ 12:35 PM
ભલેને જીવન બંધ પરબિડિયું હોય;
ખુલ્લા પુસ્તક જેમ વંચાવાનું તોય.
dr.ketan karia said,
December 29, 2012 @ 2:05 AM
સરળતાથી હ્રદયમાં પ્રવેશી જાય તેવી ગઝલ
Darshana bhatt said,
December 29, 2012 @ 1:42 PM
કોઈ ઘરમાં આવવાનું નથી….
પણ ….ચિરંતન રાહ જોવાની વિરહ વ્યથા….
હૃદય સ્પર્શી ભાવાભિવ્યક્તિ .
P. P. M A N K A D said,
December 31, 2012 @ 2:24 AM
Very good poem. Congrats.
Pravin Shah said,
December 31, 2012 @ 11:16 PM
ભાગ્ય મારું, બંધ પરબીડિયું ‘કિરીટ’,
કિરીટ-કલ્પનો સુંદર રીતે અભિવ્યક્ત થયા છે.