સુ.દ. પર્વ :૧૧: તમે-અમે – સુરેશ દલાલ
રાત દિવસનો રસ્તો વ્હાલમ નહીં તો ખૂટે કેમ ?
તમે પ્રેમની વાતો કરજો : અમે કરીશું પ્રેમ.
તમે રેતી કે હથેલી ઉપર લખો તમારું નામ,
અમે એટલાં ઘેલા, ઘાયલ : નહીં નામ કે ઠામ.
તમને તો કોઈ કારણ અમને નહીં બહાનાં નહીં વ્હેમ
તમે પ્રેમની વાતો કરજો : અમે કરીશું પ્રેમ.,
તમને વાદળ, ધુમ્મસ વહાલાં અમને ઊજળી રાત,
અમે તમારાં ચરણ ચૂમશું થઈને પારિજાત.
અહો આંખથી ગંગાયમુના વહે એમ ને એમ,
તમે પ્રેમની વાતો કરજો : અમે કરીશું પ્રેમ.
-સુરેશ દલાલ
સરળતાનું સૌંદર્ય એ સુ.દ.ની કવિતાઓનું મુખ્ય ઘરેણું છે. અઘરી કવિતાઓથી ભાવકને ગુંચવી મારી પોતાની પંડિતાઈ સાબિત કરવાને બદલે સુ.દ. હંમેશા સરળ બાનીથી આમ આદમીના દિલ સુધી જવાનો પ્રયત્ન કરતા. એટલે જ એમના ગીતોમાં સહજ માધુર્ય અનુભવાય છે. Genuine poetry can communicate before it is understood. (T. S. Eliot). આ વાતની સાબિતી સુ.દ.ના ગીતોમાં સતત મળતી રહે છે.
Rina said,
August 17, 2012 @ 1:47 AM
Simply Beautiful …….
SURESHKUMAR G VITHALANI said,
August 17, 2012 @ 4:01 AM
ONE OF THE NICEST POEM BY LATE SHRI SURESH DALAL. HIS CONTRIBUTION TO THE GUJARATI LITERATURE IS IMMEASURABLE.
Jayant Shah said,
August 17, 2012 @ 7:28 AM
સુદર . ગમ્યુ . એમની બીજી પક્તિ યાદ આવી ,
રે મન ,ચાલ મહોબ્બત કરીએ ,
નદીનાળામા કોણ મરે ,ચલ ડુબ ઘુઘવતે દરિયે ..
આ ગમી ?
જયન્ત શાહ .
Maheshchandra Naik said,
August 17, 2012 @ 2:14 PM
શ્રી સુરેશ દલાલને લાખ લાખ સલામ………
Monal said,
August 19, 2012 @ 1:18 PM
વાહ! ખુબ સુન્દર !
pragnaju said,
August 20, 2012 @ 8:00 AM
અહો આંખથી ગંગાયમુના વહે એમ ને એમ,
તમે પ્રેમની વાતો કરજો : અમે કરીશું પ્રેમ.
સુંદર અભિવ્યક્તી