નિશ્ચય છે મારો, હું તને પામું આ જન્મમાં,
ચોર્યાસી લાખ વેઠવાની છૂટ છે તને.
વિવેક મનહર ટેલર

વરસે ફોરાં – ગુલામ મોહમ્મદ શેખ

વરસે ફોરાં, આજ ફરી પાછાં વરસે ફોરાં,
આજ પ્રિયે ! પાછાં વરસે ફોરાં,
જેમ વિદાયની વેળ ઝમ્યાં’તાં નેણ તારાં બે શામળાં ગોરાં !
આજ ફરી પાછાં વરસે ફોરાં.

કંઠને ભીડી બાથ તારા હાથ વળગ્યા’તા, ભોળી !
ને પગ નીચેની ધૂળમાં કેવી બેઠી હતી તું નેણવાં ઢોળી !
સૌરભભીની રેણ ને આપણા ભીંજતાં’તાં બેય કાળજે-કોરાં !

ઢળું ઢળું તારી પાંપણો જેવી આખરી ટીપું ખાળતાં ચૂકી,
નખરાળી ત્યાં એક સૂકી લટ ઉપરથી જાણે ઝીલવા ઝૂકી !
મૌનનાં ગાણાં ગાઈ થાકેલા હોઠ તારા જ્યાં ઊઘડ્યા કે
મેં હળવે કેવા પી લીધા’તા વેણ-કટોરા !
આજ ફરી પાછાં વરસે ફોરાં.

મનને મારે ખોરડે આજેય ચૂવતી જાણે આંખડી તારી,
(ને) ધીમે ધીમે જાણે વચલી વેળની ધૂળ ધોવાતી જાય અકારી;
આપણો મેળ એ નેણને નાતે
વેણ ઠાલાં શીદ વાપરી કે’વું − આવજો ઓરાં !

− ગુલામ મોહમ્મદ શેખ

વરસે ફોરાં. વરસે આંખ. વિદાયટાણાની વાત. શબ્દ-સુકા હોઠ. તાજા ફોરાં-સમ વેણ. ને નેણનો નાતો. – આ ગીતનું ભાવવિશ્વ જ એટલું મીઠું છે કે પરાણે ગમી જાય.

7 Comments »

  1. rajul b said,

    March 6, 2012 @ 2:27 AM

    ખરુ કહ્યું..પરાણે ગમી જાય એવુ ગીત છે..

    કઈ પંક્તિ વધારે મીઠી લાગી એ જો કહેવા બેસું તો આખ્ખુ ગીત અહીં copy paste કરવુ પડશે..

  2. vineshchandra chhotai said,

    March 6, 2012 @ 7:23 AM

    હલ્વે પિધા ………….ગિત્નિ લહેક બહુજ પ્રિય , માસુકના ગાલો પર નજર …………..બહુજ સુન્દેર ………………..ધન્યવાદ ……….કવિ નો પરિચય ???

  3. Suresh Parmar 'Soor' said,

    March 6, 2012 @ 12:02 PM

    majanu geet-bhav thee bhinu ane tarbatar kre evun.

  4. pragnaju said,

    March 7, 2012 @ 1:20 AM

    મનને મારે ખોરડે અાજેય ચૂવતી જાણે અાંખડી તારી,
    (ને) ધીમે ધીમે જાણે વચલી વેળની ધૂળ ધોવાતી જાય અકારી;
    મધુર ગીતની મીઠા ફોરાં જેવી આ પંક્તીઓ હ્રુદયને ભીંજવી ગઇ.
    યાદ આવે યામિનીની આ પંક્તીઓ
    બે ઘડી વરસાદનાં ધરતી ઉપર ફોરાં પડયાં
    એટલામાં કેટલો તલસાટ ચાલી જાય છે
    આજનો માણસનો સંબંધો વચ્ચે આવતા અંતરાયોના પડળ ભેદવાની શુભનિષ્ઠા જતી ન કરો, તો માણસના હૃદયની ભીનાશ અને જળધારાના તમે દર્શન કરી શકો. એટલે આજનો માનવી લાગણી શૂન્ય બનતો જાય છે એ અંશત: સાચું છે, પણ આ વધુ સાચું
    અાપણો મેળ એ નેણને નાતે
    વેણ ઠાલાં શીદ વાપરી કે’વું − અાવજો અોરાં !
    જેસલમેર અને સ્વજનને પત્રની જેમ આ રચના જ ગુલામમોહમ્મદ શેખ ના પરિચયસમ છે

  5. Dhruti Modi said,

    March 7, 2012 @ 4:06 PM

    સુંદર ગીત.

  6. Toral Patel said,

    August 18, 2020 @ 8:27 AM

    કયા સંગ્રહમાંઆ રચના છે,તે જણાવવા વિનંતિ.

  7. વિવેક said,

    August 18, 2020 @ 8:51 AM

    @ તોરલ પટેલઃ

    આ ગીત ધવલે પોસ્ટ કર્યું હતું. એને પુછી જોઇશ. પણ મોટાભાગે કોઈ સંગ્રહમાંથી આ રચના નહીં લેવાઈ હોય એમ હું માનું છું. કોઈક સંપાદનમાંથી કે સામયિકમાંથી આ રચના મળી હોવાની શક્યતા વધારે છે.

    આભાર.

RSS feed for comments on this post · TrackBack URI

Leave a Comment