કોઈએ જોયો નથી ઈશ્વર અહીંયા
તોય એના નામથી વાંધા પડે છે.
શીતલ જોશી

ગઝલ – – ગણપત પટેલ “સૌમ્ય”

રોજ ઊઠી કેમ કરવો સામનો?
ચાલ, તોડી નાંખીએ આ આયનો!

ડર નથી વધઘટ થતી પરછાંઈનો,
અર્થ સમજાઈ ગયો ધૂપ-છાંવનો

દોડવું જીવન, અટકવું મોત છે,
ના સમય ફુરસદ અને આરામનો.

જિંદગીથી પર ઘડીભર જીવીએ,
પ્રશ્ન તો કેવળ રહે એક જામનો.

લોકમાં જેના વિશે શંકા હતી,
સૌમ્યમાણસ નીકળ્યો એ કામનો.

ગણપત પટેલ “સૌમ્ય”

નાની-નાની પંક્તિઓમાં અને સરળ મજાના શબ્દોમાં મસમોટી વાત કહી જાય એ કવિતા. સૌમ્ય ઉપનામ ધરાવતા આ કવિની શબ્દાવલિઓ પણ એવી જ સૌમ્ય છે અને તરત હૃદયના ઊંડાણ સુધી ટકોરા મારી આવે એવી મજાની છે. આ માણસ સાચે નીકળ્યો કામનો !

ટાઈપસૌજન્ય: સાગરિકા પટેલ

4 Comments »

  1. ધવલ said,

    June 20, 2007 @ 11:04 AM

    લોકમાં જેના વિશે શંકા હતી,
    ‘સૌમ્ય‘ માણસ નીકળ્યો એ કામનો.

    – સરસ !

  2. Nilesh said,

    June 24, 2007 @ 4:47 AM

    ખુબ જ સરસ ગઝલ છે.

  3. ડૉ પ્રફુલ્લા ચૌહાણ said,

    April 21, 2019 @ 5:26 PM

    જીવન જીવવાની કલા સમજાવી જાય છે. ઉત્તમ રચના.

  4. ડૉ પ્રફુલ્લા ચૌહાણ said,

    April 21, 2019 @ 5:29 PM

    જીવન જીવવાની કલા સમજાવી જાય છે. ઉતમ રચના

RSS feed for comments on this post · TrackBack URI

Leave a Comment