ગઝલ – હરદ્વાર ગોસ્વામી
દોસ્ત, સૌના આભનો આવી રીતે થાતો મરો,
સૌને સૌના સૂર્યનો કરવો પડે છે ખરખરો.
આવી છે જ્યાં પર્વતાઈ આ સમંદરમાં જરા,
ચૂપ થયા ઝરણા બધા, જાણે ઉભા છે પથ્થરો.
આપણે ક્યારેય પણ જેને મળ્યા ના હોય, ને-
આપણામાં રાત-દિન એના વિશે મુશાયરો.
જિંદગીભર આપની શાહી વિશે અક્ષર બનું,
સાવ કોરા કાગળે જીવી બતાવો સાક્ષરો.
એ પછી સૌ ધારણામાં તું હશે ‘હરદ્વાર’ પણ,
સૌ પ્રથમ હોવા વિશેની ધારણા પૂરી કરો.
– હરદ્વાર ગોસ્વામી
ભીતરમાં થતો મુશાયરો અને કોરા કાગળે જીવી બતાવતા સાક્ષરો… મસ્ત-મજાની ગઝલ !
Rina said,
November 5, 2011 @ 12:30 AM
આપણે ક્યારેય પણ જેને મળ્યા ના હોય, ને-
આપણામાં રાત-દિન એના વિશે મુશાયરો.
જિંદગીભર આપની શાહી વિશે અક્ષર બનું,
સાવ કોરા કાગળે જીવી બતાવો સાક્ષરો……વાહ…
વિવેક said,
November 5, 2011 @ 2:01 AM
સુંદર ગઝલ.. બધા જ શેર મજેદાર…
Anal Shah said,
November 5, 2011 @ 10:34 AM
કેવુ પડે ભૈ… કેવુ પડે
sudhir patel said,
November 5, 2011 @ 2:49 PM
કવિ-મિત્ર હરદ્વારની મસ્ત ગઝલ ફરી અહીં માણવાની મજા આવી!
સુધીર પટેલ.
P Shah said,
November 6, 2011 @ 6:24 AM
સૌ પ્રથમ હોવા વિશેની ધારણા પૂરી કરો…
સુંદર ગઝલ !