માણસ ખોવાયો છે – શ્યામ સાધુ
પાંચ-સાત તારીખની વચ્ચે અટવાયો છે,
રહેવા દે ફૂલોની વાત, રઘવાયો છે !
જીવવા જેવી વાત ભીંતમાં ચણી છતાં પણ,
કમળપત્રની જેમ ક્યારનો કચવાયો છે !
અખબારોના ટોળાંઓમાં અક્ષર થઈને,
રોજ સવારે નાટક જેવું ભજવાયો છે !
માણસભીની મહેક નથી પણ અફવાઓ છે,
માણસ, માણસ વચ્ચે માણસ ખોવાયો છે !
– શ્યામ સાધુ
જ્યશ્રી said,
December 19, 2006 @ 1:21 AM
કાયમ નહીં… તો કોઇ કોઇ વાર આ પંક્તિઓ ઘણી સાચી લાગે.. !!
માણસભીની મહેક નથી પણ અફવાઓ છે,
માણસ, માણસ વચ્ચે માણસ ખોવાયો છે !
વિવેક said,
December 19, 2006 @ 8:55 AM
સરસ ગઝલ… ટૂંકી અને સ્પષ્ટ વાત… આ ખોવાયેલો માણસ મળે એવી કોઈ વકી દેખાય છે ખરી?