ત્વચા પર – બકુલેશ દેસાઈ
અલગતા જુઓ વસ્ત્ર જેવી તમારી,
અમે છુંદણા થૈ જડાયાં ત્વચા પર.
તમારું સ્મરણ થૈ જતાં માત્રમાં તો,
શીળા સ્પર્શની છે બળતરા ત્વચા પર.
સડોસડ પડે દ્રશ્યના ચાબખા ને-
વીતી જિંદગીના ઉઝરડા ત્વચા પર!
મુલાયમપણાના ગયા સર્પ સરકી…
હવે તો કરચલીની ભાષા ત્વચા પર.
નિકટતા અહીં તો ઘડી બે ઘડીની !
દિવસરાત પ્રસ્વેદી છલના ત્વચા પર.
– બકુલેશ દેસાઈ
વાત વિરહની છે, એ રજૂ કરી છે ત્વચાના માધ્યમથી. કવિએ અલગ ભાત પાડતા કેટલા સચોટ શબ્દ પ્રયોગો વાપર્યા છે એ જુઓ – દ્રશ્યના ચાબખા, કરચલીની ભાષા, પ્રસ્વેદી છલના … વાંચતા અનાયાસ જ ર.પા.ની ગઝલ હસ્તાયણ યાદ આવી જાય છે.
ઊર્મિસાગર said,
November 13, 2006 @ 12:05 PM
વાહ, ખૂબ જ સુંદર ગઝલ… મઝા આવી ગઇ!
સાચી વાત છે ધવલભાઇ, આ શબ્દ-પ્રયોગો તો ખૂબ જ ગમ્યાં!
આમ તો બધા જ શેરો એક-એકથી ચડિયાતા છે પરંતુ પ્રથમ શેર…
અલગતા જુઓ વસ્ત્ર જેવી તમારી,
અમે છુંદણા થૈ જડાયાં ત્વચા પર.
just don’t any word for it…