સાદ – શૂન્ય પાલનપુરી
પતવાર ને સલામ, સિતારાને રામરામ,
મજધારે જઈ રહ્યો છું, કિનારાને રામરામ.
ખુશ છું કે નાખુદાનું કશું ચાલશે નહીં,
નૌકાને તારનાર ઈજારાને રામરામ.
દિલને દઝાડતો રહ્યો; ભડકી શક્યો નહીં,
નિર્માલ્ય એવા પ્રેમ-તિખારાને રામરામ.
મારો જનાજો છે હવે મારી જ ખાંધ પર,
મૃત્યુ પછીના સર્વ સહારાને રામરામ.
દીધો છે સાદ ‘શૂન્ય’ ગહનતાઓએ મને,
કાંઠે ટહેલવાના ધખારાને રામરામ.
– ‘શૂન્ય’ પાલનપુરી
પરંપરાની ગઝલની પણ પોતાની મઝા છે. શેર ચોટદાર હોય તો કદી જૂનો થતો નથી. છેલ્લા ત્રણ શેર આજે ય એટલા જ નવા લાગે છે.
ઈશ્ક પાલનપુરી said,
October 5, 2010 @ 10:57 PM
શુન્ય સાહેબની ઉમદા રચના ! સલામ એમની શાયરી ને
Kirtikant Purohit said,
October 6, 2010 @ 1:53 AM
મારો જનાજો છે હવે મારી જ ખાંધ પર,
મૃત્યુ પછીના સર્વ સહારાને રામરામ.
શૂન્યની તરોતજા ગઝલ માણવાની મઝા આવી.તેમને સામ્ભળવા તે પણ લ્હાવો હતો.
MANHAR MODY said,
October 6, 2010 @ 3:04 AM
શૂન્ય સાહેબની ગઝલના વખાણ કરવા માટે આપણો પનો બહુ ટૂંકો પડે. એમને તો આપણે સાદર સલામ જ કરી શકીએ. મક્તાનો શેર કેટલો ખુદ્દારીભર્યો છે.
દીધો છે સાદ ‘શૂન્ય’ ગહનતાઓએ મને,
કાંઠે ટહેલવાના ધખારાને રામરામ.
ઉલ્લાસ ઓઝા said,
October 6, 2010 @ 5:02 AM
ગઝલના બાદશાહ ‘શૂન્ય’ સાહેબને સલામ.
jigar joshi 'prem' said,
October 6, 2010 @ 9:45 AM
શૂન્ય સા’બને બા-અદબ સલામ !
mahesh dalal said,
October 6, 2010 @ 11:34 AM
વાહ વાહ સરસ્
dhrutimodi said,
October 6, 2010 @ 3:04 PM
સરસ ગઝલ.ધારદાર શે’ર.
મારો જનાજો છે હવે મારી જ ખાંધ પર,
મૃત્યુ પછીના સર્વ સહારાને રામરામ.
વાહ! વાહ!
વિહંગ વ્યાસ said,
October 6, 2010 @ 10:19 PM
વાહ….!
અનામી said,
October 7, 2010 @ 9:12 AM
સલામ…
Pushpakant Talati said,
October 8, 2010 @ 6:42 AM
પતવાર ને સલામ અને સિતારાને તથા કિનારાને રામરામ કરી મજધારે ઝુકાવનાર , નાવ તારવાનો ઈજારો રાખનાર નાવિક ને પણ સલામ અને રામરામ કહી ખુશી થનારા , સમ્પૂર્ણપણે પ્રજ્વલીત ન થઈ શકનાર અને ફક્ત તણખો કે નાની ચિન્ગારી બની દિલ દઝાડનાર પ્રેમાગ્નિ ને Good-bye કહેનાર વ્યક્તિ જ પોતાનો જનાજો પોતે જાતે ઉપાડવાની ખુમારી બતાવી શકે અને નનામી ઉચકનાર ડાઘુઓની મદદનો ઈન્કાર કરી શકે – અને તે જ મરજીવાઓ ગહનતાઓને પામી શકે . – કાંઠે ટહેલવાના અભરખા રાખનારાઓ આ ઝનૂન તથા ખૂમારી ને વળી શુઁ જાણવાના હતા ? – તેઓ ને તો બસ ફક્ત “રામરામ.”
અ ફ લા તુ ન – અ ફ લા તુ ન – અ ફ લા તુ ન –
alap said,
August 5, 2011 @ 2:04 AM
અaદ્dબભ્ુuત્t