સ્વમાન – કૃષ્ણલાલ શ્રીધરાણી
માન તમારે હાથ ન સોંપ્યું;
કેમ કરી અપમાનશો ?
વજ્ર સમું અણભેદ હ્રદય આ,
શર સૌ પાછાં પામશો.
ઘન ગરજે, વાયુ ફૂંકાયે,
વીજળી કકડી ત્રાટકે;
બાર મેઘ વરસી વરસીને
પર્વત ચીરે ઝાટકે – માન…
હિમાદ્રિ અમલિન સુહાસે
ઊભો આભ અઢેલતો;
આત્મા મુજ તમ અપમાનોને
હાસ્ય કરી અવહેલતો – માન…
રેતી કેરા રણ ઉપર ના
બાંધ્યા મ્હેલ સ્વમાનના;
શ્રદ્ધાના અણડગ ખડકો પર
પાયા રોપ્યા પ્રાણના !
માન તમારે હાથ ન સોંપ્યું,
કેમ કરી અપમાનશો ?
વજ્ર સમું અણભેદ હ્રદય આ,
શર સૌ પાછાં પામશો.
– કૃષ્ણલાલ શ્રીધરાણી
આ ગીતની ધૃવપંક્તિનો કહેવત સમાન થઈ ગઈ છે. એલેનોર રૂઝવેલ્ટની પ્રખ્યાત વાત યાદ આવે છે, No one can make you feel inferior without your permission.
વિવેક said,
February 17, 2010 @ 1:13 AM
સાદ્યંત સુંદર રચના….
અમ્રુત ચૌધરી said,
February 17, 2010 @ 1:57 AM
શ્રીધરાણીને યાદ કરવા બદલ ધન્યવાદ. ખૂબ ઓછુ જાણીતુ પણ સરસ મજાનુ ગીત આપવા બદલ
આભાર.
ચાંદ સૂરજ said,
February 17, 2010 @ 4:33 AM
યોગ્યતાને નેવે મૂકનારા પૂજારીને ઠપકો અપનારા શ્રીધરાણી સ્વમાનની પણ કેવી સંગીન અને અડિખમ પ્રતિમા કંડારે છે.એ કવિને વંદન.
Bharat Patel said,
February 17, 2010 @ 7:09 AM
Can an yone help in finding this poem:
મીઠા મધુ ને મીઠા મેહુલા રે લોલ
વિવેક said,
February 17, 2010 @ 7:34 AM
જનનીની જોડ સખી નહીં જડે રે લોલ…
– આ અઠવાડિયે મળી જશે… અહીં જ !
Pancham Shukla said,
February 17, 2010 @ 7:36 AM
સુંદર કવિતા. શ્રીધરાણીની એકાધિક કવિતાઓ માટે આમે મને પક્ષપાત છે.
rekha sindhal said,
February 17, 2010 @ 9:52 AM
આપણા સ્વમાનનેી રક્ષા બેીજાએ શા માટે કરવેી પડે? ફક્ત આપણે નબળા હોઈ તો જ, એ ખરૂં પણ આર્થિક નબળાઈવાળા કે જેને ખાવાના ય ફાંફા છે તેને માન શું અને અપમાન પણ શું ? લોકોથી હડધૂત થતા રહીને પણ ફકત બે ટંક ખાવા મળે તો ય સંતોષ એવા કરોડો લોકો પૃથ્વી પર છે. શું આપણે એમને માન-અપમાનથી પર કહીશું?
ઊર્મિ said,
February 17, 2010 @ 10:16 AM
……………………………..
માન તમારે હાથ ન સોંપ્યું,
કેમ કરી અપમાનશો ?
વજ્ર સમું અણભેદ હ્રદય આ,
શર સૌ પાછાં પામશો.
આહાહા… અદભૂત પંક્તિ… મારી ખૂબ જ પ્રિય…
shvet soni said,
February 18, 2010 @ 8:02 AM
ખુબ જ સરસ્……!!!!!!!!!!
pragnaju said,
February 21, 2010 @ 12:01 AM
સ રસ રચનાની ખૂબ સરસ પંક્તીઓ
રેતી કેરા રણ ઉપર ના
બાંધ્યા મ્હેલ સ્વમાનના;
શ્રદ્ધાના અણડગ ખડકો પર
પાયા રોપ્યા પ્રાણના !
Pinki said,
February 21, 2010 @ 8:17 AM
રેતી કેરા રણ ઉપર ના
બાંધ્યા મ્હેલ સ્વમાનના;
શ્રદ્ધાના અણડગ ખડકો પર
પાયા રોપ્યા પ્રાણના !
વાહ…. !!