(દીપોત્સવીના દીવે દીવે) – ચંદ્રકાન્ત શેઠ
દીપોત્સવીના દીવે દીવે દેવ, આંગણે આવો,
અંધકારનાં બંધન કાપી પ્રભાત મંગલ લાવો. –
ઘર-શેરી ને ગામ સર્વમાં રહો શુદ્ધિ-સમૃદ્ધિ;
રહો અમારા તન-મનમાંયે સુખ-શાંતિ-સંશુદ્ધિ;
નવા ચંદ્રથી, નવા સૂર્યથી અંતરલોક દીપાવો !-
જીર્ણશીર્ણ સૌ નષ્ટ થાય ને ઝમે તાજગી-તેજ;
હાથે-બાથે હળતાં-મળતાં હૈયે ઊછળે હેજ;
નવા રંગથી, નવા રાગથી માનસપર્વ મનાવો !-
આજ નજરમાં નવલી આશા, પગલે નૌતમ પંથ;
નવાં નવાં શૃંગો સર કરવા, આતમ ખોલો પંખ;
નવા દેશના, નવી દિશાના પવન સુગંધિત વાઓ.
– ચંદ્રકાન્ત શેઠ
લયસ્તરો તરફથી સહુ વાચકમિત્રોને દિવાળીની પ્રકાશિત મંગળ કામના અને નવા વર્ષની રંગરંગીન શુભેચ્છાઓ…
manharmody ('મન' પાલનપુરી) said,
October 17, 2009 @ 4:58 AM
સાચી શુભકામના આપતા સુંદર ગીત સાથે નવા વર્ષનો પ્રારંભ. લયસ્તરોને અને વિવેકભાઈ તથા ધવલભાઈને પણ દિવાળી અને નવા વર્ષની હાર્દિક શુભેચ્છાઓ.
દક્ષેશ કોન્ટ્રાકટર said,
October 17, 2009 @ 9:29 AM
ધવલભાઈ અને વિવેકભાઈ,
દિપાવલી અને નૂતન વર્ષની શુભકામનાઓ …
pragnaju said,
October 17, 2009 @ 9:35 AM
જીર્ણશીર્ણ સૌ નષ્ટ થાય ને ઝમે તાજગી-તેજ;
હાથે-બાથે હળતાં-મળતાં હૈયે ઊછળે હેજ;
નવા રંગથી, નવા રાગથી માનસપર્વ મનાવો !િ
પ્રસન્ન અભિવ્યક્ત્
દિવાળી અને નવા વર્ષની હાર્દિક શુભેચ્છાઓ.
urvashi parekh said,
October 17, 2009 @ 10:47 AM
દિવળી ની શુભકામનાઓ સાથે,
નુતન વર્ષાભીનંદન..
આપ સહુને આવતુ વરસ સુખદાયી,યશદાયી,આરોગ્યમય નીવડો તેવી શુભેચ્છાઓ.
સરસ ગીતો છે.
Pancham Shukla said,
October 17, 2009 @ 10:59 AM
દિવાળી કાર્ડ પર લખીને મોક્લવા જેવું ચારુ મનોરમ કાવ્ય.
સર્વ મિત્રોને દિવાળીની અઢળક શુભેચ્છાઓ અને નૂતન વર્ષાભિનંદન.
ફારુક ઘાંચી 'બાબુલ' said,
October 17, 2009 @ 5:14 PM
…ઘર-શેરી ને ગામ સર્વમાં રહો શુદ્ધિ-સમૃદ્ધિ;
રહો અમારા તન-મનમાંયે સુખ-શાંતિ-સંશુદ્ધિ;
નવા ચંદ્રથી, નવા સૂર્યથી અંતરલોક દીપાવો !-…
સરસ રચના આ સપરમા દિવસને દિપાવે છે… સૌ મિત્રોને દિવાળી હાર્દિક શુભકામના અને નૂતન વર્ષાભિનંદન!
priyjan said,
October 17, 2009 @ 6:11 PM
“જીર્ણશીર્ણ સૌ નષ્ટ થાય ને ઝમે તાજગી-તેજ;
હાથે-બાથે હળતાં-મળતાં હૈયે ઊછળે હેજ;
નવા રંગથી, નવા રાગથી માનસપર્વ મનાવો !-”
ખૂબ સુંદર ગીત
સૌ વાચકો ને દિવળીની શુભકામના અને નૂતન વર્ષાભિનંદન
સપ્રેમ્
પ્રિયજન
ડૉ.મહેશ રાવલ said,
October 18, 2009 @ 1:54 AM
વાહ….
જીર્ણશીર્ણ સૌ નષ્ટ થાય ને ઝમે તાજગી-તેજ;
હાથે-બાથે હળતાં-મળતાં હૈયે ઊછળે હેજ;
-આ વાત વધુ સ્પર્શી ગઈ.
લયસ્તરો અને લયસ્તરોના માધ્યમે મળતાં તમામ બ્લોગર્સ ભાઈ-બ્હેનોને
નવા વર્ષની અઢળક શુભકામનાઓ
Pinki said,
October 18, 2009 @ 9:52 PM
દિપાવલી નિમિત્તે હાર્દિક શુભેચ્છાઓ…!!
pragnaju said,
October 19, 2009 @ 5:38 AM
દિવળીની શુભકામના અને નૂતન વર્ષાભિનંદન
Dipak Naik said,
October 20, 2009 @ 8:42 AM
કવિશ્રિ ચન્દ્રકાન્ત શેઠ,ધવલભાઈ અને વિવેકભાઈ. ને અભિનન્દન્,નવા વર્ષની શુભેચ્છાઓ.
દરેક નવી સવારે મમળાવવાનુ મન થાય એવુ ગીત વાન્ચીને આનન્દ,આનન્દ.