શબદને હાથ ઝાલીને કલમ પલાણી છે મેં તો,
જીતી જવો છે મર્ત્યલોક, પણ સમય તો લાગશે!
- વિવેક મનહર ટેલર

રોકો – આદિલ મન્સૂરી

લોહીની નદીઓ વહે છે રોકો
રોજ નિર્દોષ મરે છે રોકો

આગને કોણ સળગતી રાખે
શહેરના શે’ર બળે છે રોકો

ન્યાય ને રક્ષા કરી જે ન શકે
ભાષણો કેમ કરે છે રોકો

શબની પેટીથી મતની પેટી
કોઈ સરખાવ્યા કરે છે રોકો

છે ઈમારત પડું પડું ‘આદિલ’
મૂળ આધાર ખસે છે રોકો

– આદિલ મન્સૂરી

1 Comment »

  1. Jayshree said,

    July 6, 2006 @ 6:31 PM

    છે ઈમારત પડું પડું ‘આદિલ’
    મૂળ આધાર ખસે છે રોકો

    વાહ…

RSS feed for comments on this post · TrackBack URI

Leave a Comment