સૂઈ જા, ચાદર ! હવે સળ નહિ પડે,
સાંજનો કંકાસ ચાલુ છે હજી.
વિવેક મનહર ટેલર

અનુભવ – કવિ રાવલ

ઝાડ કરતું નથી પ્રયુક્તિ
ડાળ – ફૂટી હશે અમસ્તી

એક કલ્પન, નશો ને મસ્તી
થાય ઝળહળ જરાક હસ્તી

ચેતનાની ખરી અસર છે
આ નશો ને નશાપરસ્તી

કોણ છે તું કબીર જેવો ?
પૂછ્યું મેં તો કહે: “વિરક્તિ”

જેમ મસ્તી બને અનુભવ
તેમ અનુભવ થયો છે મસ્તી

– કવિ રાવલ

આપણી ભીતર કશુંક ભર્યું પડ્યું હોય તો એને બહાર લાવવા માટે આપણે કોઈ યુક્તિ-પ્રયુક્તિ કરવી પડતી નથી. માંહ્ય હીર હોય તો કથીરને કંચન થતું કોણ રોકી શકે ? ભીતર પાણી હોય અને વેગ હોય તો ઝરણું પથ્થર કોતરીને પણ માર્ગ કરી લે છે અને અવરોધ નડે તોય ઝાડને પણ ડાળ ફૂટી જ નીકળે છે… આખરી શેર પણ આવો જ ભર્યોભાદર્યો થયો છે…

16 Comments »

  1. Gaurang Thaker said,

    July 12, 2009 @ 11:10 PM

    ઝાડ કરતું નથી પ્રયુક્તિ
    ડાળ – ફૂટી હશે અમસ્તી
    વાહ મઝાનો શેર…આખી ગઝલ સરસ્…

  2. હેમંત પુણેકર said,

    July 13, 2009 @ 12:35 AM

    સરસ ગહન ગઝલ!

    ચેતનાની ખરી અસર છે
    આ નશો ને નશાપરસ્તી…. વાહ!

  3. Pinki said,

    July 13, 2009 @ 12:56 AM

    વાહ …. કવિ, સરસ નશો …i mean ગઝલ…. !!

    ચેતનાની ખરી અસર છે
    આ નશો ને નશાપરસ્તી …

    જેમ મસ્તી બને અનુભવ
    તેમ અનુભવ થયો છે મસ્તી … શબ્દોની રમત ગમી.

  4. પંચમ શુક્લ said,

    July 13, 2009 @ 4:33 AM

    સરસ ગઝલ.

  5. શાહ પ્રવીણચંદ્ર કસ્તુરચંદ said,

    July 13, 2009 @ 4:57 AM

    કોણ છે તું કબીર જેવો ?
    પૂછ્યું મેં તો કહે: “વિરક્તિ”

    બહુ સરસ !

  6. manharmody ('મન' પાલનપુરી) said,

    July 13, 2009 @ 5:55 AM

    કાફિયા નવીનતાભર્યા અને તાઝગી ભર્યા છે. સરસ ગઝલ બની છે.

  7. Kirtikant Purohit said,

    July 13, 2009 @ 6:57 AM

    તાજેતરના નં.સ્..માં આ ગઝલ વાંચી ત્યારે જ ઘણી ગમી હતી.સરસ ગઝલ.

  8. ઊર્મિ said,

    July 13, 2009 @ 8:07 AM

    સુંદર મજાની ગઝલ, અભિનંદન કવિ !
    મત્લાનો શેર ખૂબ જ ગમ્યો.

  9. સુનિલ શાહ said,

    July 13, 2009 @ 8:33 AM

    સુંદર, અર્થસભર ગઝલ.

  10. Dharmendra Rana said,

    July 13, 2009 @ 9:25 AM

    કોણ છે તું કબીર જેવો ?
    પૂછ્યું મેં તો કહે: “વિરક્તિ”
    મજા આવી ગઈ.. ખૂબ જ સુંદર… વિરક્તિ અને કબીરની સરખામણી..

  11. narayan patel said,

    July 13, 2009 @ 10:27 AM

    મસ્ત ગઝલ.

  12. ડો.મહેશ રાવલ said,

    July 13, 2009 @ 12:50 PM

    ટૂંકી બહરમાં આટલી વિશાળ વાતને સમેટવી અને એય પાછી બધાને ગળે ઉતરે એમ-એ જ કવિનું સુંદર કવિકર્મ ગણાય…..અભિનંદન.

  13. pragnaju said,

    July 13, 2009 @ 7:00 PM

    ચેતનાની ખરી અસર છે
    આ નશો ને નશાપરસ્તી

    બહુ સરસ—
    કેટલી મૉટી વાત

    યાદ આવી
    વફા’ આ જામ ખાલી ને હલાવીને કરીશું શું?
    દરદને ખૂબ ઘુંટીને નશો મદભર જરા આપો

  14. Sandhya Bhatt said,

    July 13, 2009 @ 11:00 PM

    અલગ વિચારો,અલગ અભિવ્યક્તિ,અભિનંદન.

  15. kirankumar chauhan said,

    July 14, 2009 @ 7:42 AM

    સુંદર, સહજ, તાત્વિક અને સાત્વિક ગઝલ.

  16. Kavita Maurya said,

    July 14, 2009 @ 11:48 AM

    એક કલ્પન, નશો ને મસ્તી
    થાય ઝળહળ જરાક હસ્તી

    જેમ મસ્તી બને અનુભવ
    તેમ અનુભવ થયો છે મસ્તી

    સુંદર શેર !

RSS feed for comments on this post · TrackBack URI

Leave a Comment