એ રીતે બધી વાતે સમાધાન બનીશું,
જ્યાં ગાંઠ પડે ત્યાં અમે નાદાન બનીશું.
વિવેક ટેલર

(ઠીકઠાક બધું) – હર્ષ બ્રહ્મભટ્ટ

આંખ સામે છે દર્દનાક બધું
તોય કહેવાનું ઠીકઠાક બધું

મેં રહસ્યોની હાટ ખોલી’તી
લઈ ગયા એક-બે ઘરાક બધું

જે સફર આદરી શક્યો જ નથી
એને છે ભૂખ, પ્યાસ, થાક બધું

સ્થળની ચોરી થઈ છે રાતોરાત
ક્યાં ગયાં ખેતરો ને પાક બધું ?

દોસ્ત, ના બોલ આંસુની ભાષા
એમને લાગશે મજાક બધું

કોઈ પાસેથી એ મળ્યું જ નહીં
મેં તો માંગ્યું હતું જરાક બધું

-હર્ષ બ્રહ્મભટ્ટ

કેવી સરળ ભાષા અને કેવી અર્થસભર વાત! આખી ગઝલ જ અદભુત!

3 Comments »

  1. ketan yajnik said,

    July 19, 2018 @ 9:14 AM

    વલોણું ,તોય કહેવાનું ઠીકઠાક બધું

  2. JAFFER Kassam said,

    July 19, 2018 @ 5:55 PM

    કોને કહેવા જૌ

  3. yogesh shukla said,

    August 23, 2018 @ 4:53 PM

    સુંદર ગઝલ

    દોસ્ત, ના બોલ આંસુની ભાષા
    એમને લાગશે મજાક બધું

RSS feed for comments on this post · TrackBack URI

Leave a Comment