ધાર કે એ આપણી અટકળ હતી,
વાત તોયે સાવ ક્યાં પોકળ હતી?
– રમેશ ઠક્કર

લેશું – વંચિત કુકમાવાલા

પળ પળ પળને ચાખી લેશું,
નિર્મળ નવનીત રાખી લેશું.

સ્પર્શ કરીશું સહેજ સરીખો,
છેક ભીતરે ઝાંકી લેશું.

અલપઝલપ બસ એક નજરમાં,
ભવભવનું પણ ભાખી લેશું.

અડધીપડધી કેમ ઊકલશે…?
પીડા આખેઆખી લેશું.

લાલ, ગુલાબી, લીલો દઈને,
થોડો ભગવો ખાખી લેશું.

ચૌદ લોકના વૈભવ સામે,
ભજન, દુહા ને સાખી લેશું.

– વંચિત કુકમાવાલા

જિંદગી પળ-પળનો સરવાળો છે. પળે-પળ જો આપણે વીતતી પળોને પ્રેમથી ચાખવાનો અને એમાંથી શુદ્ધ માખણ તારવી લેવાનો ઉપક્રમ રાખીશું તો જીવનમાં દુઃખને અવકાશ જ નથી. કવિની નજર મરજીવા જેવી છે, અડતામાત્રમાં છેક ભીતરના અને ભવભવના મોતીઓ તાગી લે એવી. છેલ્લા શેરમાં કવિઓનો ખરો વૈભવ પણ માણવા જેવો.

7 Comments »

  1. Suresh Shah said,

    November 11, 2016 @ 4:21 AM

    how do I write comment in Gujarati?

  2. Perpoto said,

    November 11, 2016 @ 9:00 AM

    લાલ, ગુલાબી, લીલો દઈને,
    થોડો ભગવો ખાખી લેશું.

    ચૌદ લોકના વૈભવ સામે,
    ભજન, દુહા ને સાખી લેશું.

    Waah kaviraj!

  3. Pravin Shah said,

    November 11, 2016 @ 11:11 AM

    beautiful gazal…. enjoyed…

  4. Pravin Shah said,

    November 11, 2016 @ 11:15 AM

    I wrote the above comment at 9-42 pm but your web site shows 11-11 am
    You can set the clock as per indian standard time.

  5. urvashi parekh. said,

    November 11, 2016 @ 3:52 PM

    khub saras.chud lok,na vaibhav same , bhajan duha ne sakhi laishu. lal gulabi lilo daine bhagvo ane khakhi vaat pan saras. khub gami.

  6. La' Kant Thakkar said,

    November 13, 2016 @ 9:26 AM

    “કંઈ અડધું-પડધુંલઈને કોઈ શું કરે?
    તારું આંશિક કંઈ ના કામનું મને …..

    હું મને ” આખ્ખે-આખો ” ખપું.”
    હું છું સતત શ્વાસની જેમ,મને ભીતર શું? બ્હાર શું?
    ન બૂઝાતો પ્રકાશ છું હું, છે બધે એ અવકાશ છું હું.
    હું હમેશાં આસપાસ છું, મને દૂર શું ? દૂશવાર શું?
    પૂર્ણપણે પ્રસ્ફુટ પ્રસરતો બ્રહ્મનાદ ઓમકાર છું હું.

    અનુભવ-જ્ઞાને સમજાયેલું માપ છું,અનુભૂતિ તણો એહસાસ અમાપ છું,
    સકળ બ્રહ્માંડનો વિશાળ વ્યાપ છું, ચોફેર ચળકતો ચેતનાનો ચાપ છું,
    પ્રેમ-આનંદસભર ‘જીવંત’વિચાર છું,સ્પર્શ-સ્પંદન રણઝણ બેસુમાર છું,
    જુઓ તો ખરા! કેવો આરપાર છું !પારદર્શિતાનું સજ્જડ પોત અપાર છું.

  7. Sureshkumar Vithalani said,

    January 31, 2019 @ 4:42 AM

    અત્યંત, અનહદ સુંદર રચના. કવિશ્રીને ખૂબ ખૂબ અભિનંદન. આપનો ખૂબ ખૂબ આભાર.

RSS feed for comments on this post · TrackBack URI

Leave a Comment