હું કશું સમજ્યો નથી એવું નથી,
હું બધું સમજ્યો છું એ તકલીફ છે.
વિવેક મનહર ટેલર

ગઝલ – રાજુલ ભાનુશાલી

કેટલી ખખડી ગઈ છે ભારથી,
છત ઊભી છે ભીંતના આધારથી!

પ્રણ અધૂરા લઈને આખર ક્યાં જવું ?
જળ કદી બંધાય ના આકારથી.

વેદનાને જો વલૂરી સાંજના,
રાત આખી તરફડી ચિત્કારથી !

સાવ હળવું લાગવા માંડ્યું છે દુઃખ,
કાખમાં તેડી લીધું છે જ્યારથી.

હાથમાં ગાંડીવ ઝાલ્યું એ પછી,
છોછ કૈ પોસાય ના ટંકારથી !

જાતમાંથી જાતને બાતલ કરો,
‘ઓમ’ને ભેદાય ના એંકારથી.

આમ કુંઠાઈને ‘રાજુલ’ શું વળે?
ઘાટ ચડવા દે નવા વિસ્તારથી !

– રાજુલ ભાનુશાલી

ફેસબુકના રસ્તે ચાલીને વળી એક આશાસ્પદ કવયિત્રી સાથે મુલાકાત થઈ. દુઃખ સાથે કામ પાડવાની ટેકનિકવાળો શેર હાંસિલે-ગઝલ છે. એ સિવાયના બધા શેર પણ ખાસ્સા સંતર્પક થયા છે.

12 Comments »

  1. Rajul said,

    September 23, 2016 @ 4:08 AM

    આભાર વિવેકભાઈ, લયસ્તરો.

  2. NAREN said,

    September 23, 2016 @ 4:25 AM

    khub sundar rachnaa

  3. Rakesh Thakkar, Vapi said,

    September 23, 2016 @ 5:11 AM

    બહોત ખૂબ!
    હાથમાં ગાંડીવ ઝાલ્યું એ પછી,
    છોછ કૈ પોસાય ના ટંકારથી !

  4. Divyakant Pandya said,

    September 23, 2016 @ 5:12 AM

    Superb

  5. rinal patel said,

    September 23, 2016 @ 5:39 AM

    Waahhh

  6. નિનાદ અધ્યારુ said,

    September 23, 2016 @ 6:04 AM

    વેદનાને જો વલૂરી સાંજના,
    રાત આખી તરફડી ચિત્કારથી !

    ઉત્તમ !

  7. Ketan Yajnik said,

    September 23, 2016 @ 6:24 AM

    fine

  8. tia joshi said,

    September 24, 2016 @ 10:06 AM

    સાવ હળવું લાગવા માંડ્યું છે દુઃખ,
    કાખમાં તેડી લીધું છે જ્યારથી.

    વાહ વાહ ! સુંદર લખ્યુ છે

  9. La' Kant Thakkar said,

    September 25, 2016 @ 10:16 AM

    જે સુખ-દુખ …બંને ફિલીન્ગ્સને ‘સમ’માં રહી જુએ છે ,
    સ્વીકારે છે ,તે વધુ આનન્દિત,પ્રફૂલ્લિત,પ્રસન્ન-ચિત રહી શકે.

  10. varij luhar said,

    September 26, 2016 @ 4:17 AM

    खुब सरस रचना।।

  11. lata hirani said,

    September 26, 2016 @ 7:19 AM

    સરસ રચના.

  12. લયસ્તરો પર મારી ગઝલ.. | શબ્દસ્થ said,

    November 5, 2016 @ 9:17 AM

    […] ગઝલ – રાજુલ ભાનુશાલી […]

RSS feed for comments on this post · TrackBack URI

Leave a Comment