હૈયામાં એનો પડઘો પડે તો જ મૂલ્ય છે,
અલ્લાહનો અવાજ મિનારે ન જોઈએ.
કુતુબ આઝાદ

શક્યતાનું દ્વાર છે – હર્ષા દવે

એ જ આશા રાખવામાં સાર છે,
બંધ છે એ શક્યતાનું દ્વાર છે.

આપણી બારી ઉઘાડી રાખીએ,
તો બધે અજવાસ પારાવાર છે.

લાગલું મીરાંપણું જ્યાં ઓગળે,
વાંસળીનો એ પછી વિસ્તાર છે.

આટલું ભળભાંખળું તો થઈ ગયું,
ક્યાં હવે દિ’ ઉગવામાં વાર છે ?

રંગ કેવો વૃક્ષ ઉપર ખીલશે !
એક ટહુકા પર બધો આધાર છે.

એ જતાં ને આવતાં વહેરે મને,
શ્વાસને પણ બેઉ બાજુ ધાર છે.

– હર્ષા દવે

કવયિત્રીઓ આપણી પાસે આમે ગણી-ગાંઠી. અને એમાં પણ મજબૂત કવયિત્રી ? આવામાં આવી સશક્ત ગઝલ લઈને એક નવું નામ આપણી વચ્ચે આવે ત્યારે ગઝલ રળિયાત થતી જણાય. છમાંથી પાંચ શેર તો નકરી પોઝિટિવિટિના.

બધા જ શેર અદભુત છે પણ મારે તો મીરાંની વાંસળી જ સાંભળવી છે. મીરાં જે ઘડીએ મીરાં મટી જાય, ભક્તિમાં લીન થઈ જાય, પોતાનું દુન્યવી અસ્તિત્વ ઓગાળી એ ઘડીએ એ સાક્ષાત્ કૃષ્ણ બની જાય છે. અને શેરની ખરી મજા ‘લાગલું’ શબ્દમાં છે. સાવ રોજબરોજની વાતચીતમાં વપરાતો શબ્દ કવિના પારસ-સ્પર્શે કેવો સોનાનો થઈ ગયો છે !

15 Comments »

  1. Rakesh Thakkar, Vapi said,

    July 22, 2016 @ 1:11 AM

    આશાનો સંચાર કરતી ગઝલ.
    આટલું ભળભાંખળું તો થઈ ગયું,
    ક્યાં હવે દિ’ ઉગવામાં વાર છે ?

  2. KETAN YAJNIK said,

    July 22, 2016 @ 7:46 AM

    સન્નિષ્ઠ ગઝલ

  3. ભરત ત્રિવેદી said,

    July 22, 2016 @ 7:47 AM

    સુંદર ગઝલ. પ્રત્યેક શેર પાણીદાર.

  4. varij Luhar said,

    July 22, 2016 @ 8:18 AM

    Aek tahuka par badho aadhar chhe..
    Khub saras Gazal..aasvad pan

  5. નિનાદ અધ્યારુ said,

    July 22, 2016 @ 8:46 AM

    એ જતાં ને આવતાં વહેરે મને,
    શ્વાસને પણ બેઉ બાજુ ધાર છે.

    શું શેર છે ….!!
    અભિનંદન !

  6. Saryu parikh said,

    July 22, 2016 @ 1:47 PM

    Wah! Bahu saras.
    Saryu Parikh

  7. La Kant Thakkar " કંઈક ' said,

    July 22, 2016 @ 4:04 PM

    ” એ જતાં ને આવતાં વહેરે મને,
    શ્વાસને પણ બેઉ બાજુ ધાર છે.”
    કેમ , ‘વહેરે મને’ … “વ્હાલથી જીવન ઉમેરે……” એમ નહીં?

  8. Sudhir Patel said,

    July 22, 2016 @ 11:51 PM

    Very nice Gazal!

  9. Gaurang Thaker said,

    July 23, 2016 @ 7:09 AM

    Waah waah.. khub saras ghazal..

  10. Dinesh Pandya said,

    July 25, 2016 @ 8:50 PM

    વિવેક ભાઈ
    સુંદર ગઝલ, કાબીલ-એ-દાદ! ગઝલ અને તમારું એને ખોલવું. ખરેખર “નકરી સકારાત્મકતા ” શરુઆતથી જ,
    “એ જ આશા રાખવામાં સાર છે,
    બંધ છે એ શક્યતાનું દ્વાર છે.”
    અભિનંદન! ગઝલકારને અને તમને પણ.

    દિનેશ પંડ્યા

  11. Dinesh Pandya said,

    July 25, 2016 @ 8:58 PM

    વિવેક ભાઈ
    સુંદર ગઝલ! કાબીલ-એ-દાદ, ગઝલ અને તમારું એને
    ખોલવું – “નકરી સકારાત્મકતા” શરુઆતથી જ
    “એ જ આશા રાખવામાં સાર છે,
    બંધ છે એ શક્યતાનું દ્વાર છે.”
    અભિનંદન ! ગઝલકારને અને તમને પણ.

    દિનેશ પંડ્યા

  12. Rohit kapadia said,

    July 28, 2016 @ 7:50 AM

    બહુ જ સરસ રચના. આપણી બારી ખુલી રાખી અને પારાવાર અજવાસનાં સ્વીકારની વાત હકારાત્મકતાનો ખૂબ જ સુંદર સંદેશ આપે છે.

  13. jigna trivedi said,

    July 31, 2016 @ 10:28 AM

    વાહ ! ખૂબ સરસ ગઝલ.

  14. Niles Rana said,

    August 25, 2016 @ 6:45 PM

    Kabil-e-dad Gazal

  15. Sureshkumar Vithalani said,

    October 11, 2018 @ 1:41 PM

    અત્યંત સુંદર ગઝલ. કવયિત્રીશ્રીને અંત:કરણથી ખૂબ ખૂબ અભિનંદન અને શુભેચ્છાઓ.

RSS feed for comments on this post · TrackBack URI

Leave a Comment