(-) – લાભશંકર ઠાકર
ગાંધી બાપુને હું મારી ઊંઘમાં લઈ જાઉં છું દોરીને પેન્સિલથી.
એમના પગ દોરું ત્યાં તો ચાલવા માંડે.
‘બાપુ ઊભા રહો. હજી મને પૂરા દોરવા તો દો.’
બાપુ કહે : ‘ચાલતા ચાલતા દોર.’
બોલો ચાલતા ચાલતા કંઈ દોરી શકાય ? એ તો
અટકતા જ નથી મારી ઊંઘમાં.
હું પેન્સિલની અણી અડાડું ત્યાં તો આગળ ને આગળ.
અટકે તો પૂરેપૂરા દોરું ને !
– લાભશંકર ઠાકર
અંગ્રેજી કે અન્ય ભાષાઓની કવિતાઓના અનુવાદ તો આપણે અવારનવાર લયસ્તરો પર માણતા જ રહીએ છીએ. આજે જરા ઊલટું કામ કરીએ. આજે આપણી ભાષાની કવિતાનો અંગ્રેજી અનુવાદ માણીએ.
લા.ઠા.ની કવિતાઓ સહજમાં સમજાઈ જાય તો જ આશ્ચર્ય. સરળ લાગતી આ કવિતામાં ગાંધીબાપુની ગતિશીલતાનું જે ચિત્રણ કવિએ ઉપસાવ્યું છે એ કાબિલે-દાદ છે.
In my sleep I take Gandhi Bapu along, drawing him with a pencil.
The moment I draw his feet, they start walking.
‘Bapu, stop. Let me finish drawing you.’
Bapu says, ‘Draw as you walk.’
Tell me, is it possible for anyone to draw while walking ?
But he simply refuses to stop
Walking in my sleep.
The moment I touch him with the pencil point, he surges ahead.
How will I finish drawing him if he doesn’t stop ?
– Labhshankar Thakar
(English Translation : unknown) (source: Sameepe 36)
jugalkishor said,
July 15, 2016 @ 12:42 AM
ખુબ જ મજાનું કાવ્ય.
ચીત્રમાં એટલે કે સ્થીર એવા માધ્યમમાં તો દોરી જ શી રીતે શકાય જે સાતત્ત્યભર્યાં માધ્યમોમાંય સમાય તેમ નથી ?!! જોકે સર્જકે સ્વપ્નનું પણ માધ્યમ રાખ્યું જ છે અને ગાંધી દ્વારા પણ ચાલતાં ચાલતાં દોરવાનું કહીને – તમે સુચવ્યું તેમ – ગતીશીલતાને પણ બખુબી બતાવી જ છે…….
ગાંધીને ઝીલવાનું કેટલું દુષ્કર છે તે આ કાવ્ય સરસ સમજાવે છે.
નિનાદ અધ્યારુ said,
July 15, 2016 @ 1:06 AM
‘ચાલતા ચાલતા દોર ….’
– આમ તો અહીં જ કાવ્ય પૂરું થઈ ગયું.
Rakesh Thakkar, Vapi said,
July 15, 2016 @ 2:01 AM
ગુજરાતી રચનાનો અંગ્રેજી અનુવાદ ગૌરવની વાત છે.
સરસ રચના.
KETAN YAJNIK said,
July 15, 2016 @ 4:20 AM
“મને દોર “કોણ કોને દોરે બેફામ યાદ આવે છે “જેણે મને બનાવ્યો એને જ હું બનાવ્યા કરું છું”
અને જે ” ટકતા ” નથી તેને “અટકતા”ની વાત
શબ્દ સામર્થ્ય અને ભાવ સામર્થ્ય
અંગ્રેજીમાં આ બંને શબ્દોનો પર્યાય ?
સલામ કવિને
Sudhakar Shah said,
July 15, 2016 @ 6:32 AM
તો ઉપાય એ છૅ કે પગ છેલ્લે દોરવા !
Dhaval said,
July 15, 2016 @ 11:44 AM
સરસ કવિતા ! સલામ !
Yogesh Shukla said,
July 18, 2016 @ 3:04 PM
બહુજ સહજતાથી રચના લખાઈ છે,
ગાંધીજી ને નીંદમાં જોવા અને તેમનું ચિત્રકારણ કરવું ,
હવે વખત આવી ગયો છે , નેતા એ ગાંધીજી ને અનુસરવું,