સાદ કરું તો … – કિશોર જીકાદરા
સાદ કરું તો કામ બધાં છોડીને આવે,
પડઘો મારા સરનામે દોડીને આવે !
પ્હેલી નજરે પોપટ એ પરદેશી લાગે,
બચકારો તો સરહદ એ તોડીને આવે !
તોરતરીકા અસ્સલ એના તારા જેવા,
ખુદને મળવા દર્પણ એ ફોડીને આવે !
પૂરેપૂરો માવડિયો લાગે છે અમને,
હડસેલું તો પડછાયો ચોંટીને આવે !
ચોમાસાની લાજશરમ નડતી લાગે છે,
નૈ તો સૂરજ વાદળ કાં ઓઢીને આવે ?
છેદ કરું હું દરિયામાં તો દરિયો ડૂબે,
સપનું આવું નાનકડી હોડીને આવે !
– કિશોર જીકાદરા
આખી ગઝલ સરસ પણ ચોમાસાની લાજશરમવાળો શેર હાંસિલ-એ-ગઝલ. ચોંટીને અને ઓઢીને – આ બે કાફિયામાં દોષ ન થયો હોત તો રચના સંઘેડાઉતાર થાત.
vimala said,
January 8, 2016 @ 11:13 PM
“છેદ કરું હું દરિયામાં તો દરિયો ડૂબે,
સપનું આવું નાનકડી હોડીને આવે !”
સૂરજ થવાનું સમણું ઝાકળના બિંદુને પણ આવે જ ….
Bhadresh Joshi said,
January 9, 2016 @ 7:28 AM
Dr N V Peale : Title of a Chapter in his book was ” Expect the Best and Get It.”He has explained that one should not expect the Best on the earth, but what is best for one. What is the point in a Zakal Bindu thinking to be the Sun? Dr Peale then explains how to pursue to achieve that realistic best.
Harshad V. Shah said,
January 9, 2016 @ 4:23 PM
good
naresh dodia said,
January 29, 2016 @ 3:24 AM
પ્હેલી નજરે પોપટ એ પરદેશી લાગે,
બચકારો તો સરહદ એ તોડીને આવે !
ક્યા બાત વાહ ભાઇ વાહ