ભોગવે છે આજુબાજુમાં સહુ
હું ને તું બેઠાં છીએ એનો તનાવ
ભરત વિંઝુડા

ગનીચાચા જન્મ શતાબ્દી વર્ષ વિશેષ: ૩ : ખોવાણું રે સપનું

મારું ખોવાણું રે સપનું,
ક્યાંક જડે તો દઈ દેજો એ બીજાને ના ખપનું,
                                     મારું ખોવાણું રે સપનું.

પૂર્વ કહે છે પશ્ચિમ તસ્કર, દક્ષિણ કે’છે ઉત્તર,
વગડા કે’છે ચોર આ વસતિ, પર્વત કે’છે સાગર,
ધરતીને પૂછું તો દે છે નામ ગગનમંડપનું, 
                                     મારું ખોવાણું રે સપનું.

વ્હારે ધાજો જડ ને ચેતન મારી પીડ પિછાની,
અણુ અણુ સાંભળજો માર સમણાની એંધાણી;
તેજ તણા અંબાર ભર્યા છે, નામ નથી ઝાંખપનું, 
                                     મારું ખોવાણું રે સપનું.

ખોળે મસ્તક લૈ બેઠી’તી એક દી રજની કાળી,
જીવનની જંજાળો સઘળી સૂતી પાંપળ ઢાળી;
નીંદરના પગથારે કોઈ આવ્યું છાનુંછપનું, 
                                     મારું ખોવાણું રે સપનું.

– ગની દહીંવાલા

ગનીચાચાનું મઝાનું ગીત.

8 Comments »

  1. varsha tanna said,

    October 1, 2008 @ 12:21 AM

    રાતનુ શમણુ સાચુ પડ્યુ તેવી અનુભૂતિ

  2. pragnaju said,

    October 1, 2008 @ 8:39 AM

    વ્હારે ધાજો જડ ને ચેતન મારી પીડ પિછાની,
    અણુ અણુ સાંભળજો માર સમણાની એંધાણી;
    તેજ તણા અંબાર ભર્યા છે, નામ નથી ઝાંખપનું,
    મારું ખોવાણું રે સપનું.
    કેટલું સુંદર!

  3. vinod said,

    October 1, 2008 @ 9:00 AM

    ગનીચાચા એ ખોવાયેકલા સપનાની વાત કરી છે. એમણે દિશાઓમાં કરેલ પોકાર હ્રદયસ્પશીછે

  4. Bina Trivedi said,

    October 1, 2008 @ 11:13 AM

    ગનીચાચા નુ બહુજ મઝાનું ગીત. બીના
    Please visit : http://binatrivedi.wordpress.com/

  5. Ramesh Patel said,

    October 1, 2008 @ 11:15 PM

    જીવનની જંજાળો સઘળી સૂતી પાંપળ ઢાળી;

    મારું ખોવાણું રે સપનું,
    ક્યાંક જડે તો દઈ દેજો એ બીજાને ના ખપનું,
    મારું ખોવાણું રે સપનું

    સુંદર ગીત
    રમેશ પટેલ(આકાશ્દીપ)

  6. uravshi parekh said,

    October 1, 2008 @ 11:37 PM

    સપનુ કામનુ નથિ.
    દઈ દેજો બિજાને.
    સરસ છે.

  7. વિવેક said,

    October 2, 2008 @ 2:42 AM

    મસ્ત મજાનું ગીત. ગનીચાચાએ લય અને અભિવ્યક્તિને એવી રીતે ભેળવ્યા છે કે બેમાંથી શું સુંદર છે એ કહેવું મુશ્કેલ થઈ પડે…

  8. ઊર્મિ said,

    October 3, 2008 @ 1:29 PM

    વાહ…. શું લય છે!! આ ગીત વંચાતું જ નથી… લયમાં ગવાઈ જ જાય છે.

RSS feed for comments on this post · TrackBack URI

Leave a Comment