બાપુ અમર રહો ! – જુગતરામ દવે
એનું જીવનકાર્ય અખંડ તપો
. અમ વચ્ચે બાપુ અમર રહો !
એના જીવનમંત્ર સમો ચરખો
. પ્રભુ, ભારતમાં ફરતો જ રહો !
અમ જીવનમાં અમ અંતરમાં
. એની ઉજ્જવલ જ્યોત જ્વલંત રહો !
અમ દેશનાં દૈન્ય ને દુર્બળતા
. એની પાવક આતમજ્વાળ દહો !
એનો સત્યનો સૂર્ય સદાય તપો
. અમ પાપ-નિરાશાના મેલ દહો !
એનાં પ્રેમ-અહિંસાનાં પૂર પ્રભો
. અમ ભારતનાં સહુ ક્લેશ વહો !
એણે જીવતાં રામ સદાય રટ્યા,
. એ તો ‘રામ’ વદીને વિદાય થયા;
લઘુ માનવમાં મહિમા ભરવા
. નિજ લોહી અશેષ વહાવી ગયા.
– જુગતરામ દવે
વરસમાં બે વાર બાપુને યાદ કરવાનો ‘ભારતીય’ રિવાજ અમે પણ બરકરાર રાખીએ છીએ.
Jayshree said,
October 2, 2015 @ 5:11 PM
ગયા વર્ષે ટહુકો પર મારી મમ્મીના અવાજમાં આ કવિતા મૂકી હતી, એટલે જેટલીવાર આ કવિતા નજરે ચડે એટલીવાર મમ્મીનો અવાજ કાનમાં ટહુકે..!!
yogesh shukla said,
October 2, 2015 @ 9:59 PM
રચના સાથે કવિ શ્રી ને મારા નમન ,….
જુગતરામ દવે, Jugatram Dave | ગુજરાતી પ્રતિભા પરિચય said,
April 21, 2016 @ 6:09 PM
[…] એનું જીવનકાર્ય અખંડ તપો અમ વચ્ચે બાપુ અમર રહો ! […]