પથ્થરો બોલે તો બોલાવી જુઓ,
શક્યતાના દ્વાર ખખડાવી જુઓ.
શ્યામ સાધુ

વિદાયઘડી – સાબિર વટવા

August 20, 2015 at 12:30 AM by વિવેક · Filed under ગઝલ, સાબિર વટવા

ચંદ્ર ઝાંખો થાય છે, ‘રોકાઈ જાવ’ !
હમણાં વા’ણું વાય છે, રોકાઈ જાવ !

એક ઘડીભર રાતની છે શી વિસાત ?
વર્ષો વીતી જાય છે, રોકાઈ જાવ !

અપશુકન છે રોકવામાં, શું કરું ?
મારું દિલ ગભરાય છે, રોકાઈ જાવ !

ચીબરી બોલી રહી છે આંગણે,
વનમાં ઘુવડ ગાય છે, રોકાઈ જાવ !

વાટમારુ છે નિરાશા માર્ગમાં –
કાફલા લૂંટાય છે, રોકાઈ જાવ !

હોઠ ઉપર છે ‘ખુદા હાફિઝ !’ છતાં
દિલમાં કૈં કૈં થાય છે, રોકાઈ જાવ !

આજ ‘સાબિર’ વારે વારે શું કહું ?
હોઠે આવી જાય છે, રોકાઈ જાવ !

– સાબિર વટવા

જરા રોકાઈ જવા જેવી ગઝલ…

4 Comments »

  1. PRIYAVADAN PRAHLADRAY MANKAD said,

    August 20, 2015 @ 5:10 AM

    {Bhai Sabir Vatva]

    Ek ghazal thi pet bharayun nath, ‘Rokai jav!’

  2. ધવલ said,

    August 20, 2015 @ 11:02 AM

    ચંદ્ર ઝાંખો થાય છે, ‘રોકાઈ જાવ’ !
    હમણાં વા’ણું વાય છે, રોકાઈ જાવ !

    – સરસ !

  3. Yogesh Shukla said,

    August 20, 2015 @ 6:18 PM

    સરસ રચના ,

  4. ravindra Sankalia said,

    August 21, 2015 @ 3:35 AM

    કવિતા વાન્ચતા વાન્ચતા જ થાય કે રોકાઈ જઈએ. કેતલા બધા કારણો છે રોકાઈ જવાના?

RSS feed for comments on this post · TrackBack URI

Leave a Comment