‘ઈર્શાદ’ એટલે તો હું જલ્દી નહીં મરું,
મારા તમામ ચોપડે બાકી હિસાબ છે.
ચિનુ મોદી ‘ઈર્શાદ’

કરવું હતું – હેમેન શાહ

આખરી ને એક નાનકડું કથન કરવું હતું ,
એ પછી આ રંગમંડપને નમન કરવું હતું.

પ્રેમની એકાદ કવિતાનું પઠન કરવું હતું,
એમને તો રોજ એનું એ ભજન કરવું હતું.

જાતરા કરવી નહોતી મારે એકે ધામની,
ગૌણ ઝરણાંઓનાં જળનું આચમન કરવું હતું.

એ સમય, એ વય, અને એ બોલવું ઉન્માદમાં,
ક્યાં મનન કરવું હતું ? ક્યાં સંકલન કરવું હતું ?

રાહમાં મળતા રહ્યા’તા નાનામોટા છાંયડા,
બેફિકર લહેરી મુસાફરને સહન કરવું હતું.

શોધવા મથતો હતો કંઈ કેટલાંય મૂળિયાં,
વાંસળીમાંથી ફરીથી વાંસવન કરવું હતું.

સર્વ ઓગળતું રહે, જેમાં અનાદિકાળથી,
હઠ હતી કે એ જ ધુમ્મસનું વજન કરવું હતું.

– હેમેન શાહ

ચોથા શેર થી ગઝલ ઉંચકાય છે. પહેલા ત્રણ શેર નબળા લાગ્યા.

3 Comments »

  1. Dhaval Shah said,

    April 21, 2015 @ 9:55 AM

    શોધવા મથતો હતો કંઈ કેટલાંય મૂળિયાં,
    વાંસળીમાંથી ફરીથી વાંસવન કરવું હતું.

    સર્વ ઓગળતું રહે, જેમાં અનાદિકાળથી,
    હઠ હતી કે એ જ ધુમ્મસનું વજન કરવું હતું.

    – સરસ !

  2. PUSHPAKANT TALATI said,

    April 21, 2015 @ 11:29 PM

    તિર્થેશભાઈ, નમસ્તે.
    ચોથી કડી – “એ સમય, એ વ્ય, અને એ બોલવું ઉન્માદમાં,” – માં “એ વ્ય,” લખ્યું છે તેનો તથા પાંચમી કડી -“બેફિકર લહેરી મુસાફરને શન કરવું હતું.”- માં “શન” નો અર્થ ન સમજાણો. – મદદ કરશો ?
    Thanks in anticipation Please. – Pushpakant Talati

  3. તીર્થેશ said,

    April 22, 2015 @ 2:24 AM

    sorry sorry sorry……typing error…..corrected…. thanks

RSS feed for comments on this post · TrackBack URI

Leave a Comment