સદીઓનું જ્ઞાન છે પણ લેવાલ ક્યાં છે કોઈ?
કેવો પડ્યો છે ધારો! ઇતિહાસ સૂઈ રહ્યો છે!

પાછા કદી ન જાગી, એ આ જ કહી રહ્યો છે:
બસ, આજનું વિચારો, ઇતિહાસ સૂઈ રહ્યો છે.
- વિવેક મનહર ટેલર

અહો શ્વાસ મધ્યે વસંતો મહોરી – રાજેન્દ્ર શુક્લ

Vivek Tailor Holi

અહો શ્વાસ મધ્યે વસંતો મહોરી,
ઊડે રંગ ઊડે ન ક્ષણ એક કોરી !

ઊડે દૂરતા ને ઊડે આ નિકટતા,
અહીં દૂર ભાસે, ત્યહીં સાવ ઓરી !

ઊડે આખ્ખું હોવું મુઠીભર ગુલાલે,
ભીંજે પાઘ મોરી, ભીંજે ચુનરી તોરી !

ઊડે છોળ કેસરભરી સર સરર સર,
ભીંજાતી ભીંજવતી ચિરંતનકિશોરી !

સુભગ આપણો સ્વર બચ્યો છે સલામત,
ગઝલ ગાઈયેં, ખેલિયેં ફાગ, હોરી !

– રાજેન્દ્ર શુક્લ

ધૂળેટી પર્વ નિમિત્તે લયસ્તરો તરફથી સહુ વાચકમિત્રોને રંગસભર શુભકામનાઓ…

3 Comments »

  1. Rina said,

    March 6, 2015 @ 3:05 AM

    Happy holi to layastaro team…..

  2. Jayshree said,

    March 6, 2015 @ 5:46 PM

    How come this wasn’t here before?

  3. વિવેક said,

    March 7, 2015 @ 7:07 AM

    @ જયશ્રી :

    ઘણી કવિતા વાંચી મને પણ આવું જ આશ્ચર્ય થાય છે… પણ આ આશ્ચર્ય જ આપણને, આપની આવી વેબસાઇટ્સને, કવિતાને જીવતાં રાખે છે ને ?…!

RSS feed for comments on this post · TrackBack URI

Leave a Comment