આંસુના તોરણ બાંધીને
આંખો પૂછે – સેલ્ફી પાડું?
– હિમલ પંડ્યા

એક જૂની ઘટના – શીતલ મહેતા

કાલે કાળા તળાવમાંથી
એક જૂની ઘટના ઉપાડી.
એ પહેલાં જેવી ન હતી
લીસી અને ભીની હતી
ને વળી ચીકણી પણ!
વધારે પડતી સમજણની
લીલ જામી હતી ઉપર
ને થોડી જૂની વેદનાઓની
ફૂગ બાઝી ગયેલી…
પડી રહેલા સમયની શેવાળમાં
લપેટાયેલી હતી..
એક પળ થયું નાખી દઉં પાછી
પણ તોયે એ તો હશે જ તળિયે!
ઠરી જશે ત્યાં પાછી …
એટલે છોડું કે ન છોડું એમ વિચારતી
હાથમાં પકડીને જ ઊંઘી ગઈ.
આંખ ખુલી ત્યારે હથેળીમાં
એક સફેદ પીંછું હતું ને
સૂરજનું કિરણ સીધું તે પર પડતું હતું.

– શીતલ મહેતા

ફેસબુક પર નજર ફેરવતો હતો એવામાં “કાલે કાળા તળાવમાંથી એક જૂની ઘટના ઉપાડી” આટલું જ એક કવયિત્રીના પ્રોફાઇલ પર વાંચ્યું અને આ બે પંક્તિઓએ આખી રચના વાંચવા મજબૂર કરી દીધો…

મધ્યભાગમાં થોડી મુખર થઈ ગઈ છે એ વાત બાદ કરીએ તો આખી રચના અદભુત થઈ છે…

4 Comments »

  1. ketan yajnik said,

    June 19, 2015 @ 3:46 AM

    સાવ ” શીતલ ” એવી નવી કે જૂની ઘટ્નાની ઉષ્માં। .

  2. Rina said,

    June 19, 2015 @ 7:14 AM

    waaahhhh

  3. Dhaval Shah said,

    June 19, 2015 @ 9:31 AM

    સરસ !

  4. Harshad said,

    June 20, 2015 @ 7:02 PM

    Very Good Shital !! Keep it on.

RSS feed for comments on this post · TrackBack URI

Leave a Comment