જ્યારે બેઠી… – પ્રજ્ઞા વશી
હું તો જ્યારે જ્યારે બેઠી,
ઇચ્છાને ફૂલક્યારે બેઠી.
શું કહું ક્યાં ને ક્યારે બેઠી,
હું તો મારી વ્હારે બેઠી !
જોવા જેવી થૈ છે તો પણ –
ભીતરને અંગારે બેઠી.
પડછાયાને પ્રશ્ન કરીને,
ઉત્તરને વરતારે બેઠી.
આજ નથી જે મારું છોડી,
કાલ ઉપર સંથારે બેઠી.
– પ્રજ્ઞા વશી
નખશિખ નારીકલ્પનની ગઝલ…
સુરતના કવયિત્રી પ્રજ્ઞા વશીને એમના નવા ગઝલસંગ્રહ “નિસ્બત” માટે લયસ્તરો તરફથી ખૂબ ખૂબ શુભકામનાઓ…
Esha Dadawala said,
December 20, 2014 @ 1:52 PM
પ્રજ્ઞાબેન ઃ નિસ્બત માટે અમારા સર્વો તરફથી ખૂબ ખૂબ શુભકામનાઓ…..
kishoremodi said,
December 20, 2014 @ 4:06 PM
ટૂકી બહેરમાં સુંદર ગઝલ. ઍમના નવા ગઝલ સંગ્રહ ‘નિસ્બત’ને શુભેચ્છાઓ.
Sudhir Patel said,
December 20, 2014 @ 10:35 PM
સુંદર ગઝલ સાથે પ્રજ્ઞાબેનને ‘નિસ્બત’ ગઝલ-સંગ્રહ માટે અભિનંદન અને શુભેચ્છાઓ!
મીના છેડા said,
December 20, 2014 @ 11:29 PM
પ્રજ્ઞાબેન… ‘નિસ્બત’ ગઝલ-સંગ્રહ માટે અભિનંદન અને શુભેચ્છાઓ!
Dr. Manish V. Pandya said,
December 21, 2014 @ 6:50 AM
સુંદર ગઝલમાં આત્મપરિચય. ગઝલ ઘણી ગમી.
suresh baxi said,
December 21, 2014 @ 9:34 PM
ખુબ સરસ ગઝલ
SHAIKH Fahmida said,
December 26, 2014 @ 1:47 PM
Congrates. Good one.