મતભેદ – ‘શિલ્પીન’ થાનકી
સહુ કહે છે: ‘મંદિરે ઈશ્વર નથી’,
હું કહું છું: ‘ત્યાં ફ્ક્ત પથ્થર નથી’.
સહુ કહે છે: ‘ઝાંઝવાં છે રણ મહીં’,
હું કહું છું: ‘ત્યાં નર્યા મૃગજળ નથી’.
સહુ કહે છે: ‘પાનખર છે ઉપવને’,
હું કહું છું: ‘ત્યાં ધરા ઊષર નથી.’
સહુ કહે છે: ‘શૂન્ય છે આકાશ આ’,
હું કહું છું: ‘સૂર્ય આ જર્જર નથી.’
સહુ કહે છે: ‘ક્ષણ સમી છે જિન્દગી’,
હું કહું છું: ‘પ્રાણ મુજ નશ્વર નથી.’
-‘શિલ્પીન’ થાનકી
(ઊષર = ખારાશવાળું)
પ્રત્યાયન said,
November 16, 2005 @ 1:11 PM
Nice poem…negation makes it more sharp.
jaypal said,
November 6, 2011 @ 11:34 AM
For information :
શિલ્પીન થાનકીની રચનાઓ આ બ્લોગ પર ઉપલબ્ધ છે
http://shilpin-thanky.blogspot.com
Chirag sheth said,
July 31, 2023 @ 7:59 AM
શિલ્પીન ભાઈ,
તમારી ગઝલ ઘેટું ઘટે છે… એમાં ઘેટું એટલે શું?
જવાબ જણાવવા વિનંતી…