ન મોકલાવ – રમેશ પારેખ
આંખોમાં આવી રીતે તું દૃશ્યો ન મોકલાવ,
ખાલી થયેલ ગામમાં જાસો ન મોકલાવ.
ફૂલો ય પૂરબહારમાં હિંસક છે આજકાલ,
રહેવા દે, રોજ તું મને ગજરો ન મોકલાવ.
તું આવ કે પાડી રહ્યો છું સાદ હું તને,
પહાડોની જેમ ખોખરો પડઘો ન મોકલાવ.
ખાબોચિયું જ આમ તો પર્યાપ્ત હોય છે,
હોડી ડુબાડવાને તું દરિયો ન મોકલાવ.
થોડોક ભૂતકાળ મેં આપ્યો હશે કબૂલ,
તું એને ધાર કાઢીને પાછો ન મોકલાવ.
– રમેશ પારેખ
pragnaju said,
June 30, 2013 @ 8:45 PM
ર પા ની સુંદર ગઝલ
થોડોક ભૂતકાળ મેં આપ્યો હશે કબૂલ,
તું એને ધાર કાઢીને પાછો ન મોકલાવ.
વા હ
Manubhai Raval said,
July 1, 2013 @ 6:21 AM
ખાબોચિયું જ આમ તો પર્યાપ્ત હોય છે,
હોડી ડુબાડવાને તું દરિયો ન મોકલાવ.
થોડોક ભૂતકાળ મેં આપ્યો હશે કબૂલ,
તું એને ધાર કાઢીને પાછો ન મોકલાવ.
છેલ્લી ચાર દીલ સોંસરવી ઉતરી ગઈ…. લાજવાબ
વિવેક said,
July 3, 2013 @ 2:15 AM
ખૂબ જાણીતી અને મજાની ‘વિન્ટેજ-વાઇન’ ગઝલ…
Akhtar Shaikh said,
July 4, 2013 @ 7:43 AM
થોડોક ભૂતકાળ મેં આપ્યો હશે કબૂલ,
તું એને ધાર કાઢીને પાછો ન મોકલાવ.
….. લાજવાબ ગઝલ…
Sureshkumar G Vithalani said,
July 4, 2013 @ 2:39 PM
UNDUBTABLY A WONDERFUL GAZAL BY RP.
Sureshkumar G Vithalani said,
July 4, 2013 @ 2:41 PM
CERTAINLY A WONDERFUL GAZAL BY RP.
saumil parmar said,
October 18, 2013 @ 12:24 AM
વાહ અદ્ભુત શબ્દ રચના ..!!! રમેશ ભાઈ ખરેખર લાજવાબ છે…!!!
હાતિમ said,
April 13, 2017 @ 11:22 AM
કોમેન્ટ કરીએ તો અમે અભાગિયાને જવાબ રોકડો ખોટા રૂપિયા જેવો મળે છે “તમે આ કોમેન્ટ કરી ચૂક્યા છો”
શું કરિયે શામળિયા અમે કેમ કરીને લખિયે રે!!!
આ હુંડિ વિવેકભાઇ સટેલરને પોન્ચે હાતિમ}
વિવેક said,
April 14, 2017 @ 8:35 AM
@ હાતિમ…
આપ તો હાતિમતાઈ છો… ધારો એ કરી શકો…
(ઇન્ટરનેટ છે… ક્યારે વંઠે એ કહી ન શકાય!)
Suresh Shah said,
May 31, 2020 @ 5:26 AM
થોડોક ભૂતકાળ મેં આપ્યો હશે કબૂલ,તું એને ધાર કાઢીને પાછો ન મોકલાવ.
ભુત્કાળ વહી ગયેલ સમય માત્ર નથી – ભુતકાળના ઘાવ પણ એમા હોય. એને તાજા કરી ને શુ મળશે? કવિ પોતાની રીતે કહે – ધાર કાઢી ને ના મોકલ.
– સુરેશ શાગ, સિંગાપોર