મૂઠ્ઠીભર સુખ માંડ છૂપાવું,
ત્યાં દુનિયાની લાળ પડે છે.
નિનાદ અધ્યારુ

વરસાદ – અશોક ચાવડા ‘બેદિલ’

આ વખત લાગણીસભર વરસાદ,
આ વખત આંસુઓનું ઘર વરસાદ.

કોઈ ભીંજાય છે ક્યાં અંદરથી ?
શ્હેરમાં હોય છત ઉપર વરસાદ.

કારણો હોત તો બતાવી દેત,
આંખમાં કારણો વગર વરસાદ.

સ્હેજ રોકાઈ જા, તને કીધું,
સાવ તાજી જ છે કબર : વરસાદ.

ઘરનો સામાન માત્ર ભરવાનો,
પાંપણોમાં ભર્યા ન કર વરસાદ.

– અશોક ચાવડા ‘બેદિલ’

એકસાથે સાત-સાત પુસ્તકો તાજેતરમાં જ આપનાર કવિના સંગ્રહ ‘પગરવ તળાવમાં’માંથી એક વરસાદી ગઝલ આપ સહુ માટે પ્રવર્તમાન વરસાદી માહોલમાં… બધા જ શેર ગમી જાય એવા પણ છત ઉપરનો વરસાદ અને ઘર ખાલી કરતી વખતે ભરાઈ આવતી પાંપણોનો વરસાદ સહેજે વધુ ભીંજવી જાય છે…

8 Comments »

  1. dr.ketan karia said,

    June 21, 2013 @ 4:27 AM

    અશોકભાઈની જાદુઈ કલમ અને વિવેકભાઈની પારખું નજર બન્નેનો સંગમ એટલે આજની આ પોસ્ટ (નિરમા સુપરની એડ મનમાંથી પસાર થઈ ગઈ.)

  2. lata j hirani said,

    June 21, 2013 @ 4:37 AM

    wonderful gazal…

  3. Gaurav Pandya said,

    June 21, 2013 @ 9:59 AM

    કોઈ ભીંજાય છે ક્યાં અંદરથી ?
    શ્હેરમાં હોય છત ઉપર વરસાદ.

    varsad vagar pan ashokbhai varsad ma bhinjavi de…

    Andar thi…

    Hats off !

  4. heta said,

    June 22, 2013 @ 2:43 AM

    વાહ……………

  5. pragnaju said,

    June 26, 2013 @ 10:07 AM

    કારણો હોત તો બતાવી દેત,
    આંખમાં કારણો વગર વરસાદ.

    સ્હેજ રોકાઈ જા, તને કીધું,
    સાવ તાજી જ છે કબર : વરસાદ.
    સુંદર

  6. kanchankumari p parmae said,

    June 27, 2013 @ 2:23 PM

    ખુબજ સરસ્……

  7. Shailesh Pandya BHINASH said,

    June 29, 2013 @ 1:12 AM

    Kya bat hai Ashokbhai..

  8. વિજય ચલાદરી said,

    July 1, 2013 @ 5:18 AM

    સ્હેજ રોકાઈ જા, તને કીધું,
    સાવ તાજી જ છે કબર : વરસાદ.

RSS feed for comments on this post · TrackBack URI

Leave a Comment