સળગતો શબ્દ, પણ પીંખાયેલા પરિવાર જેવો છું,
મને ન વાંચ, હું ગઈ કાલના અખબાર જેવો છું.
ગની દહીંવાલા

આંખનો મતલબ – લલિત ત્રિવેદી

આંખનો મતલબ કર્યો ખોટો તમે,
એટલે ઈશ્વર નથી જોયો તમે !

પાણી પણ વેચાય છે તે આ સડક,
જે સડક નીચે પૂર્યો કૂવો તમે !

બોલો તે પ્હેલાં જ તમને સાંભળું,
મારી અંદર આવી જો બોલો તમે !

દૃશ્યનો દીવો કરો રાણા પ્રથમ
એકબીજાને પછી જોજો તમે !

વાત કરશું કોક દિ’ બ્રહ્મરંધ્રની,
આજ ઘરની બારી તો ખોલો તમે !

જંગલોની ડાળને પિંજર ઊગ્યાં,
કઈ જગાએ બાંધશો માળો તમે !

– લલિત ત્રિવેદી

રાજકોટના કવિ શ્રી લલિત ત્રિવેદી “બીજી બાજુ હજી મેં જોઈ નથી” સંગ્રહ લઈને આવ્યા છે. એમને લયસ્તરો તરફથી હાર્દિક શુભકામનાઓ…

14 Comments »

  1. Ashok Vavadiya said,

    July 6, 2013 @ 2:40 AM

    સુંદરરચના અભિનંદન

  2. NARENDRASINH said,

    July 6, 2013 @ 3:15 AM

    આંખનો મતલબ કર્યો ખોટો તમે,
    એટલે ઈશ્વર નથી જોયો તમે ! ખુબ સરસ્

  3. Shailesh Pandya BHINASH said,

    July 6, 2013 @ 3:53 AM

    આંખનો મતલબ કર્યો ખોટો તમે,
    એટલે ઈશ્વર નથી જોયો તમે ! સરસ્

    સુંદરરચના અભિનંદન………………….

  4. Manubhai Raval said,

    July 6, 2013 @ 5:23 AM

    વાત કરશું કોક દિ’ બ્રહ્મરંધ્રની,
    આજ ઘરની બારી તો ખોલો તમે !
    કોઇ પણ વસ્તુ પ્રાપ્ત કરવા શરુઆત પ્રથમ થી થાય સીધો કુદકો આકાશ નો ન હોય
    જોકે આખી રચના ખુબજ સુન્દર છે .

  5. PRAGNYA said,

    July 6, 2013 @ 9:43 AM

    બોલો તે પ્હેલાં જ તમને સાંભળું,
    મારી અંદર આવી જો બોલો તમે !—ખુબ સરસ!!!!

  6. Shah Pravin said,

    July 6, 2013 @ 2:20 PM

    આંખનો મતલબ કર્યો ખોટો તમે… અદૂભૂત..! ! !

  7. Harshad said,

    July 6, 2013 @ 4:14 PM

    Hello Lalitbhai,
    Vah…! Bahut Khub..!!!

  8. sudhir patel said,

    July 6, 2013 @ 7:49 PM

    ખૂબ સુંદર ગઝલ!
    કવિશ્રીને હાર્દિક અભિનંદન!!
    સુધીર પટેલ.

  9. Harsha said,

    July 6, 2013 @ 8:32 PM

    વાહ ક્યા બાત હૈ!
    જંગલો ની ડાળને પિંજર ઉગ્યા,
    કઈ જગ્યાએ બાંધશો માળો તમે.
    વાહ,

  10. gunvant thakkar said,

    July 7, 2013 @ 1:46 AM

    ખુબ સરસ ,હ્રદયથી અભિનન્દન

  11. pragnaju said,

    July 7, 2013 @ 6:22 PM

    આંખનો મતલબ કર્યો ખોટો તમે,
    એટલે ઈશ્વર નથી જોયો તમે !
    આખી ગઝલ સરસ મત્લા વધુ સુંદર

  12. bharat vinzuda said,

    July 8, 2013 @ 1:58 PM

    એક સશક્ત કવિની ખુબ સરસ રચના.
    “બીજી બાજુ હજી મેં જોઈ નથી” સંગ્રહ માટે કવિશ્રીને હાર્દિક અભિનંદન…

  13. Pravin Shah said,

    July 9, 2013 @ 12:46 AM

    જંગલોની ડાળને પિંજર ઊગ્યાં,…
    સરસ !
    નવા સંગ્રહ માટે ખાસ અભિનંદન !

  14. Dr Niraj Mehta said,

    July 12, 2013 @ 2:12 AM

    વાત કરશું કોક દિ’ બ્રહ્મરંધ્રની,
    આજ ઘરની બારી તો ખોલો તમે !

    ક્યા બાત હૈ કવિ

    સુંદર ગઝલ

RSS feed for comments on this post · TrackBack URI

Leave a Comment