વરસાદમાં – ભગવતીકુમાર શર્મા
યાદ આછી ફરફરે વરસાદમાં,
આંખ ઝીણું ઝરમરે વરસાદમાં.
બારીની જળમાં થઈ કાલાપલટ,
બારણું ડૂસકાં ભરે વરસાદમાં.
કેટલી વ્યાકુળ તરસની છે તરસ !
કૂવાથાળે કરગરે વરસાદમાં.
મિટ્ટીની ખુશ્બુને પૂરી પામવા,
આભ હેઠું ઊતરે વરસાદમાં.
મોરના ટહુકા ને સણકા છાતીના;
કોણ, ક્યાં ક્યાં વિસ્તરે વરસાદમાં !
પાતળો કાગળ લઈ આકાશનો;
કોઇ હોડી ચીતરે વરસાદમાં.
આંખ ને નભ સર્વ એકાકાર છે;
કોણ આવે ખરખરે વરસાદમાં.
– ભગવતીકુમાર શર્મા
Pravin Shah said,
June 16, 2013 @ 1:43 AM
આભ હેઠું ઊતરે વરસાદમાં…..ભાવુક હૃદયને ભીંજવતી સુંદર રચના !
perpoto said,
June 16, 2013 @ 5:12 AM
કોણ આવે ખરખરે વરસાદમાં….ભાવક ને કવિ એકાકાર થઇ જાય..
બારીની જળમાં થઇ કાયાપલટ….સમજાતું નથી…
Vihang vyas said,
June 16, 2013 @ 6:38 AM
Thik chhe.
kantilal vaghela said,
June 16, 2013 @ 7:32 AM
ખુબ સુન્દર રચના
pragnaju said,
June 16, 2013 @ 10:03 AM
ખૂબ સુંદર ગઝલ
આંખ ને નભ સર્વ એકાકાર છે;
કોણ આવે ખરખરે વરસાદમાં.
વાહ્
યાદ
એક તું છે કે તને કંઇ પણ નથી થાતી અસર,
ભેટવા દરિયાને ઊછળે છે નદી વરસાદમાં.
M.D.Gandhi, U.S.A. said,
June 16, 2013 @ 10:26 PM
ભાવુક હૃદયને ભીંજવતી ખુબ સુંદર રચના !
Yogesh Shukla said,
June 18, 2013 @ 4:27 PM
શ્રી ભગવતીભાઈ શર્મા જી ,
ફરી એક રચના વરસાદ પર ,
Great sir ,તમો છો તો ગુજરાતી જીવંત છે
અને સાથે સાથે ઉતમ કાવ્ય રચના જીવંત છે
“યોગેશ શુક્લ ”
Calgary ,Canada
sandhya Bhatt said,
June 27, 2013 @ 8:26 AM
સરસ વરસાદી ગઝલ..