ઓછું પડે – ભરત વિંઝુડા
તું નજીક આવે અને જ્યારે અડે
જીવવા માટે જીવન ઓછું પડે
તું જ છે આઠે પ્રહરની આરઝુ
ને મને થોડી ઘડી તું સાંપડે
કેટલી તકલીફ પડતી હોય છે
સાવ સાચું બોલવાનું આવડે
કેમ વાવાઝોડું આવી જાય છે ?
એક બારી જે ઘડીએ ઊઘડે
હું જ મારી સામે આવી જાઉં છું
કોણ બીજું સામે આવીને લડે
તારી મૂર્તિઓ મને દેખાય છે
મન વગર હાથે ઘણાં શિલ્પો ઘડે
– ભરત વિંઝુડા
ભરત વિંઝુડાના તરોતાજા અને પાંચમા સંગ્રહ “આવવું અથવા જવું”માંથી આ ગઝલ આપ સહુ માટે… નખશિખ રોમેન્ટિઝમ જીવતા ગઝલકારની આ ગઝલ પણ પ્રણય અને આધ્યાત્મની નાનાવિધ છાયાઓ સાથે ઉપસી આવે છે…
Rina said,
May 18, 2013 @ 1:42 AM
વાહહ……
મનહર એમ.મોદી ('મન' પાલનપુરી) said,
May 18, 2013 @ 2:09 AM
કેટંલી તકલીફ પડતી હોય છે
સાવ સાચું બોલવાનું આવડે
કેવી સરસ વાત સાવ સરળ શબ્દોમા ! સરસ ગઝલ..
Maheshchandra Naik said,
May 18, 2013 @ 3:13 AM
ભક્ત અને ભગવાન તથા પ્રેમીઓની એક્બીજા સાથેની પરસ્પરની લાગણીઓને ઝીલવાની વાત લઈ આવતી સરસ ગઝલ…………….
narendrasinh chauhan said,
May 18, 2013 @ 3:48 AM
તારી મૂર્તિઓ મને દેખાય છે
મન વગર હાથે ઘણાં શિલ્પો ઘડે ખુબ સુન્દર વાહ્
perpoto said,
May 18, 2013 @ 5:04 AM
હવે જાણે દરેક કવિ સંત થઇ ગયાં હોઇ એવું જણાય છે.
La'Kant said,
May 18, 2013 @ 5:08 AM
“સોળ વરસનો એક જ ટહૂકો”=”મૂછનો દોરો ફૂટ્યો”.
“મન વગર હાથે ઘણાં શિલ્પો ઘડે….”
છેવટે ,મનની તાકાત અને સામર્થ્ય નુ રહસ્ય સમજાવે છે…
તે ક્યાંથી ક્યાં સુધી લઇ જઈ શકે છે?
“હું જ મારી સામે આવી જાઉં છું,
કોણ બીજું સામે આવીને લડે ” = { બધું જ અનુકૂલ મને,એક હુંજ પ્રતિકૂલ મને ! (અજ્ઞાત) }
-લા’કાન્ત / ૧૮-૫-૧૩
Sakshar said,
May 20, 2013 @ 2:16 PM
કેટલી તકલીફ પડતી હોય છે
સાવ સાચું બોલવાનું આવડે
સરસ.