(અવસર થતી) – મયંક ઓઝા
ક્ષણ મટીને એ જ ક્ષણ અવસર થતી
ખુદને ભૂંસીને નદી સમદર થતી
એક ખોવાયેલ ટહુકો સાંભળી
ચાર દીવાલો ફરીથી ઘર થતી
માત્ર શ્રદ્ધામાં જ છે તાકાત એ,
મૂર્તિ પથ્થર મટી ઈશ્વર થતી
હાથ લાગ્યો એક જાદુઈ ચિરાગ
હર સ્થિતિમાંથી ખુશી હાજર થતી
થાય ઘંટારવ અને પ્રગટે દીવા
સાંજ ટાણે આરતી ભરતી થતી
– મયંક ઓઝા
નખશિખ સો ટચનું સોનું. આવી ગઝલ આજકાલ જવલ્લે જ હાથ ચડે છે. એક-એક શેર અદભુત. એક-એક શેર વિશાળ ભાવવિશ્વ લઈને આવ્યો છે…
Pooanam said,
April 12, 2019 @ 2:52 AM
એક ખોવાયેલ ટહુકો સાંભળી
ચાર દીવાલો ફરીથી ઘર થતી…
Aaha…
મયુર કોલડિયા said,
April 12, 2019 @ 4:10 AM
વાહ…. સરસ ગઝલ…
અંતિમ શેરમાં ભરતીની જગ્યાએ ભીતર હશે.
અંતિમ શેરનું ભાવ-વિશ્વ બહ મસ્ત…
જયેન્દ્ર ઠાકર said,
April 12, 2019 @ 10:36 PM
બધા જ શેરો અદભુત, પાણીદાર છે
આ શેર વાંચી જગજીત જિની ગઝલ… શરઝુકાઓગે તો પથ્થર દેવતાઘો જાયેગા..યાદ આવી ગઇ…
માત્ર શ્રદ્ધામાં જ છે તાકાત એ,
મૂર્તિ પથ્થર મટી ઈશ્વર થતીજ
Bharat Bhatt said,
April 19, 2019 @ 12:14 AM
નદી પર અલગ અલગ અંદાઝ અને ભાવમાં અનેક કવિયો વહ્યા છે !
સરસ ગઝલ .આ પણ અલગ અંદાઝ વાંચવા મળ્યો.
લયસ્તરો નું એક ઉચ્ચ સ્ટેટ્સ છે. તે જાળવી રકાવા બદલ અભિનંદન.
દરિયાનું માપ કાઢવા નીકળી નદી અને ખોવાઈ ગઈ.
— એક કવિશ્રી (નામ યાદ નથી)
બડે લોગોંસે મિલને મેં હંમેંશ ફાસલા રખના
જહાં દરિયા સમુન્દર સે મિલા દરિયા નહિ રહેતા
બશીર બદ્ર.
ભરત ભટ