એક લીલી લાગણીને પામવા,
એક માણસ કેટલો ઘરડો પડે.
હરદ્વાર ગોસ્વામી

એવું લાગે છે – અનિલ ચાવડા

સાવ અણધારી નહીં પણ જોઈ વિચારી વળી ગઈ હોય એવું લાગે છે.
રોજ ઘર લગ આવનારી કેડી પરબારી વળી ગઈ હોય એવું લાગે છે.

એ તમારામાં હજી હમણાં જ તો જન્મી હતી ને વૃદ્ધ પણ થઈ ગઈ તરત?
બાળવયની છે, કમરથી તોય ખુમારી વળી ગઈ હોય એવું લાગે છે.

ક્યાંક ખૂણામાં જઈને જા રડી લે ખારું પાણી સાચવીને રાખ નૈં,
સ્હેજ દર્પણમાં નજર કર આંખમાં છારી વળી ગઈ હોય એવું લાગે છે.

સંભળાશે ચીસ દેખાશે નહીં એ સત્ય બિચારી ભણી ગઈ એટલે,
સ્કૂલ છોડી અન્ય રસ્તે ક્યાંક લાચારી વળી ગઈ હોય એવું લાગે છે.

લોહમાં ઉદારતા આવી કે જાગ્યું શૌર્ય સુંવાળી આ મજબુતાઈનું?
ફૂલની એક પાંદડીને કાપતા આરી વળી ગઈ હોય એવું લાગે છે.

– અનિલ ચાવડા

4 Comments »

  1. જગદીશ કરંગીયા ‘સમય’ said,

    February 20, 2018 @ 10:49 PM

    વાહ !! એક એકથી ચડિયાતા, લાંબી બહેરની અતિ સુંદર ગઝલ.

    Jagdish Karangiya ‘Samay’
    https://jagdishkarangiya.wordpress.com

  2. Dharmesh Bhadja said,

    February 21, 2018 @ 5:12 AM

    Oho akhari pakti to oho… anil sir ni kavitao best.

  3. ketan yajnik said,

    February 21, 2018 @ 5:46 PM

    સરસ્

  4. pragnaju vyas said,

    August 7, 2018 @ 10:29 PM

    કેમ છે ?…
    ઘણું નવું જાણવા મળ્યું બાકી હંમણા
    પ્રેમ છે
    ઉતરમા કહેવાની પ્રથા છે

RSS feed for comments on this post · TrackBack URI

Leave a Comment