(શંકા નથી) – રમેશ શાહ
એક તો વિચાર એ નિર્બંધ છે, શંકા નથી,
માનવીને માનવીની ગંધ છે, શંકા નથી.
ડાળીઓ ને પાન વચ્ચે જે સતત જળવાય છે,
સાચવી લો, એ જ તો સંબંધ છે, શંકા નથી.
દિલ, દીવાલો, પહાડ, રસ્તા- બસ, તિરાડો છે બધે,
કંઈ નથી એવું કે જે અકબંધ છે, શંકા નથી.
ના મળ્યા ઘરમાં તમે તો રંજ એનો શો ભલા?
અહીં મળ્યા એ પણ ઋણાનુબંધ છે, શંકા નથી.
– રમેશ શાહ
મજાની ગઝલ છે, શંકા નથી…
સુરેશ જાની said,
January 20, 2018 @ 11:57 AM
શંકા-ગઝલ આ યોગ્ય છે. સંબંધ અભરાઈ પર ચઢ્યા.
પોકળ સંબંધો ઠોસ માનીને જીવ્યા – શંકા નથી.
જગદીશ કરંગીયા ‘સમય’ said,
January 21, 2018 @ 1:56 AM
અતિ સુંદર ..
Jagdish Karangiya ‘Samay’
https://jagdishkarangiya.wordpress.com