હો ગુર્જરીની ઓથ કે ઉર્દૂની ઓ ‘મરીઝ’,
ગઝલો ફક્ત લખાય છે દિલની ઝબાનમાં.
મરીઝ

(અનિલ ફિનિક્સ છે) – અનિલ ચાવડા

ક્યારે હસવું ક્યારે રડવું એ બધુંયે ફિક્સ છે,
જિંદગી તો કોઈ ભેજાએ લખી કોમિક્સ છે.

બહુ વધુ ચાહતનો ડેટા રાખવામાં રિસ્ક છે,
આપણામાં માત્ર એક જ હાર્ટ છે ક્યાં ડિસ્ક છે

મેં કરી વરસાદના સંગીતની વ્યાખ્યા, કહું?
વર્ષા : ઈશ્વરના રુદનનું કુદરતી રિમિક્સ છે.

કોઈ ગમતું જણ કહે સામેથી ચાહુ છું તને,
જિંદગીની મેચ અંદર આ તમારી સિક્સ છે!

મેં અલગ થાવા વિશે કારણ પૂછ્યું તો એ કહે,
‘પ્લીઝ! ચર્ચા માટેના બીજા ઘણા ટોપિક્સ છે.

સાંભળ્યું છે કોક દિ’ મનને ય ખાંસી થાય છે,
થાય તો ઉપચારમાં કહેજો ગઝલની વિક્સ છે.

આમ કહી કહીને મને બાળ્યા કરો નૈં સૌ હવે,
‘રાખમાંથી થઈ જશે બેઠો અનિલ ફિનિક્સ છે.’

– અનિલ ચાવડા

ભાષા વહેતી નદી જેવી છે… એક બાજુ એ સતત વહેતી રહે છે તો બીજી તરફ જે કંઈ નાળાં-વેકળા એમાં ભળે એ તમામને ખુદમાં સમાવીને આગળ વધે છે… અંગ્રેજી ભાષા આપણી ભાષાના સમાંતરે ચલણમાં આવી પરિણામે અંગ્રેજી શબ્દોનો પ્રયોગ પણ વધતો ગયો… ફળસ્વરૂપ આવી મજાની ગુજલિશ ગઝલો…

5 Comments »

  1. Anil Chavda said,

    January 11, 2018 @ 1:10 am

    આભાર વિવેકભાઈ…

  2. ketan patel said,

    January 11, 2018 @ 8:56 am

    The best guzalish gazal i’ve read so far.. so meaningful!!
    So well said that language have no barriers….

  3. Dilip m. Shah said,

    January 11, 2018 @ 9:59 am

    arth sabhar ane saral rachana Wah Anilbhai !

  4. જગદીશ કરંગીયા ‘સમય’ said,

    January 11, 2018 @ 8:09 pm

    વાહ ગુજલિશ ગઝલ !!
    અતિ સુંદર..

    Jagdish Karangiya ‘Samay’
    https://jagdishkarangiya.wordpress.com

  5. Urmi said,

    January 11, 2018 @ 10:39 pm

    વાહ… મસ્ત ગુજલીશ ગઝલ… ખૂબ જ મજાના અંગ્રેજી કાફિયા…

    મેં કરી વરસાદના સંગીતની વ્યાખ્યા, કહું?
    વર્ષા : ઈશ્વરના રુદનનું કુદરતી રિમિક્સ છે.

    બધા જ શેર સ-રસ લાગ્યા… પણ આ જરા વધુ ગમ્યો !

RSS feed for comments on this post · TrackBack URI

Leave a Comment