(જખમ લઈને) – બરકત વીરાણી ‘બેફામ’
ખબર તો પડશે – જઈએ ચાલ સૌ પાસે જખમ લઈને;
ઊભા છે કોણ દુનિયામાં નમક લઈને, મલમ લઈને!
ભલા આ બોજ મારો ઊંચકે કોઈ બીજા કયાંથી?
ફરું છું હું જ ખુદ માથે બીજાનાં દર્દ-ગમ લઈને.
વિધાતા, હાથમાં મારા આ રેખા કે તિરાડો છે?
જીવું છું કેમ દુનિયામાં હું ફૂટેલાં કરમ લઈને?
અજાણી વાટે એક કરતાં ભલા બે – એમ સમજી ને ,
હું નીકળ્યો છું ખુદાની શોધમાં સાથે સનમ લઈને.
હસીને આવકાર્યો તેં, હસીને તેં વિદાય આપી,
હું આવ્યો’તો ભરમ લઈને, હું જાઉં છું ભરમ લઈને.
મેળે સાચો કોઈ દાતાર તો એને જ આપી દઉં,
હું ભટકું ક્યાં સુધી આ માગનારાની શરમ લઈને?
જઈશ હું સ્વર્ગમાં તો સૌ જીવોને એ જ કહેવાનો,
કે દુનિયામાં ન જાશો કોઈ માનવનો જનમ લઈને.
કલમને વેચી દેવાનોય આવે છે વખત બેફામ,
બહુ કપરું છે જીવન જીવવું કરમાં કલમ લઈને.
– બરકત વીરાણી ‘બેફામ’
Shivani Shah said,
January 31, 2018 @ 4:37 AM
વાહ કવિ !
SARYU PARIKH said,
January 31, 2018 @ 9:00 AM
વાહ! કવિ.
હું પણ એ જ કહીશ.
સરયૂ પરીખ
praheladbhai prajapati said,
January 31, 2018 @ 9:23 AM
દુખિ જિવનનિ સુન્દર વ્ય થા
Pravin Shah said,
January 31, 2018 @ 9:34 AM
વાહ, બરકતભાઈ !
તમારી ખોટ સાલૅ ચ્હે.
સુરેશ જાની said,
January 31, 2018 @ 1:25 PM
ગુજરાતના સદા અમર કવિ.
ખબર તો પડશે – જઈએ ચાલ સૌ પાસે જખમ લઈને;
ઊભા છે કોણ દુનિયામાં નમક લઈને, મલમ લઈને!
ભલા આ બોજ મારો ઊંચકે કોઈ બીજા કયાંથી?
ફરું છું હું જ ખુદ માથે બીજાનાં દર્દ-ગમ લઈને.
———–
આવી જ વ્યથા આદિલજીના આ શેરમાં વ્યક્ત થયેલી યાદ આવી ગઈ….
‘આદિલ’ ઘરેથી નીકળ્યો, મિત્રોને શોધવા
ઓ! દુશ્મની તું ક્યાંથી સામી મળી ગઈ?
જગદીશ કરંગીયા ‘સમય’ said,
January 31, 2018 @ 9:02 PM
આફરીન…..ઉમદા શેરોનો ગુલદસ્તો..
~
અજાણી વાટે એક કરતાં ભલા બે – એમ સમજી ને ,
હું નીકળ્યો છું ખુદાની શોધમાં સાથે સનમ લઈને.
~
Jagdish Karangiya ‘Samay’
https://jagdishkarangiya.wordpress.com