રંગમાં જે ભળી નથી શક્તા,
એ પછી રાગ-દ્વેષ પામે છે.
સુધીર પટેલ

રંગ છે – હરીન્દ્ર દવે

આ આપણું મિલન એ જુદાઈનો રંગ છે,
ઝંખ્યો છે જેને ખૂબ – તબાહીનો રંગ છે.

ઘેરો થયો તો ઓર મુલાયમ બની ગયો,
અમૃતમાં જે મિલાવ્યો : ઉદાસીનો રંગ છે.

છેલ્લી ક્ષણોમાં આંખની બદલાતી ઝાંયમાં,
જોઈ શકો તો જો જો, કે સાકીનો રંગ છે.

બદલ્યા કરે છે રંગ ગગન નિત નવા નવા,
આદિથી એ નો એ જ આ ધરતીનો રંગ છે.

કોઈ અકળ ક્ષણે હું મને પણ ભૂલી જતો,
કહેતું’તું કો’ક એમાં ખુદાઈનો રંગ છે.

– હરીન્દ્ર દવે

3 Comments »

  1. SARYU PARIKH said,

    July 24, 2017 @ 9:36 am

    વાહ! કમાલનો રંગ.
    સરયૂ પરીખ

  2. Joy Christian said,

    July 25, 2017 @ 1:23 am

    એમાં ખુદાઈનો રંગ છે.

  3. વિવેક said,

    July 25, 2017 @ 8:11 am

    બીજો શેર વાંચીને જવાહર બક્ષી યાદ આવ્યા વિના ન રહે:

    મસ્તી વધી ગઈ તો વિરક્તિ થઈ ગઈ
    ઘેરો થયો ગુલાલ તો ભગવો થઈ ગયો.
    -જવાહર બક્ષી

RSS feed for comments on this post · TrackBack URI

Leave a Comment