ભીતરે કેટલું દટાયું છે !
– એક લોથલ વસે છે મારામાં.
વિવેક મનહર ટેલર

(સ્યાહી નથી) – સુરેન્દ્ર કડિયા

તું લખે છે ક્યાંય ઈલાહી નથી
દોસ્ત! તારી પેનમાં સ્યાહી નથી

ભીડ, નકરી ભીડનો સંગાથ છે
રાહમાં એકેય હમરાહી નથી

એ ગઝલનું રૂપ લઈ આવ્યા કરે
માત્ર એની કોઈ આગાહી નથી

સર્વ-અર્પણતા હકીકત દૂરની
તેં ભૂમિકા ત્યાગની ગ્રાહી નથી

તું શિખરો સર કરે પણ શી રીતે?
તેં તળેટી ચાહીને ચાહી નથી.

– સુરેન્દ્ર કડિયા

અફલાતૂન ગઝલ. બધા જ શેર ઉત્તમ. પણ છેલ્લા શેરમાં ‘ચાહી’નો શ્લેષાલંકાર તો અદભુત થયો છે.

7 Comments »

  1. Vineshchandra Chhotai said,

    January 28, 2017 @ 4:54 am

    Hariaum namaskar
    Something extra ordinary
    In this couplet ,words are set
    Like never before ,liked it because
    Nothing like it ,with prem n om
    Vineshchandra Chhotai ,Mumbai , BHARART 😭😦😃😃😨😨😂😁😁

  2. Rakesh Thakkar, Vapi said,

    January 28, 2017 @ 8:23 am

    ક્યા બાત હૈ!
    ભીડ, નકરી ભીડનો સંગાથ છે
    રાહમાં એકેય હમરાહી નથી

  3. Devika Dhruva said,

    January 28, 2017 @ 11:16 am

    તું શિખરો સર કરે પણ શી રીતે?
    તેં તળેટી ચાહીને ચાહી નથી.

    બહોત ખૂબ…બહોત ખૂબ..

  4. pathak rashmin n said,

    January 29, 2017 @ 11:39 pm

    બહુજ સરસ

  5. pathak rashmin n said,

    January 29, 2017 @ 11:39 pm

    ખુબજ સરસ્

  6. Pushpakant Talati said,

    January 30, 2017 @ 1:22 am

    વાહ ઘણું જ સરસ – કવિ સાચું જ કહે છે કે
    ” તું શિખરો સર કરે પણ શી રીતે ?, તેં તળેટી ચાહીને ચાહી નથી.”
    જો કોઈ હાથે કરી ને જ એટલે કે “ચાહીને” જ કોઈ ને પ્રેમ ન કરતા હો તો પછી અન્ય પાંસેથી તેની અપેક્ષા રાખવી ખોટી જ છે ને ? તે શી રીતે રાખી શકાય.? – હવે તો બધાને જ હાથ નાં કર્યા હૈયે વાગે છે.

  7. La Kant Thakkar said,

    February 1, 2017 @ 8:01 am

    “ભીડ, નકરી ભીડનો સંગાથ છે
    રાહમાં એકેય હમરાહી નથી”
    …..ભીડમાં એકલા રહેવાની આદત નાખીએ …પછી આમેય તે ,
    “એકલો જાણે/જાને રે”…….. ‘હકીકત’નો સામનો તો કરવાનો જ છે !

RSS feed for comments on this post · TrackBack URI

Leave a Comment