યાદગાર મુક્તકો : ૦૨ : મરીઝ, શૂન્ય પાલનપુરી
સુરા રાતે તો શું, વ્હેલી સવારે પી ગયો છું હું,
સમય સંજોગના ગેબી ઈશારે પી ગયો છું હું;
કોઈ વેળા કશી ઓછી મળે તેની શિકાયત શું,
ઘણી વેળા ગજાથી પણ વધારે પી ગયો છું હું.
-મરીઝ
*
શ્વાસના પોકળ તકાદા છે, તને માલમ નથી,
નાઉમેદીના બળાપા છે, તને માલમ નથી;
જિંદગી પર જોર ના ચાલ્યું ફકત એ કારણે,
મોતના આ ધમપછાડા છે, તને માલમ નથી.
– શૂન્ય પાલનપુરી
મુક્તકોની ખરી મજા એમની Res Ipsa Loquitar (it speaks for itself-સ્વયંસ્પષ્ટ) પ્રકૃતિના કારણે છે. ચાર પંક્તિના ખોબામાં મુક્તક વાદળ ભરીને વરસાદ લઈ આવે છે. આજે ગુજરાતી ગઝલના બે ખ્યાતનામ શાયરોની કલમે એક-એક મુક્તકની મજા લઈએ… બંને મુક્તક સ્વયંસિદ્ધ છે…
Rakesh Thakkar, Vapi said,
December 7, 2016 @ 1:57 AM
યાદગાર મુક્તકો વાંચવાની મજા આવી રહી છે…
KETAN YAJNIK said,
December 7, 2016 @ 4:57 AM
દર વખતે દોઢ ડાહ્યા ન થવાય।
NAREN said,
December 7, 2016 @ 5:36 AM
ખુબ સુંદર મઝા નો આયોજન ,, લાજવાબ
Harshad said,
December 7, 2016 @ 8:12 AM
Vaah… Vaah….!
Anil Shah.Pune said,
September 24, 2020 @ 12:21 AM
ચાલું કર્યું છે રાતે પીવાનું,
સવાર સુધી હું પીતો રહ્યો,
તારી યાદ, તારી વ્યથા ને,
ધરી ધરીને પીતો રહ્યો,
ઢળી ના પડું તારા આંગણા માં,
બસ એ વીચારે થોડી પીતો રહ્યો,