શબ્દ સૂતર, શબ્દ ચરખો, શબ્દ મારી ખાદી છે,
સત્ય જડશે નકરૂં, મારી ગઝલો ગાંધીવાદી છે.
વિવેક મનહર ટેલર

ગઝલ – ખલીલ ધનતેજવી

એની આંખોમાં હું સમાયો છું,
ત્યારથી ચોતરફ છવાયો છું!

આયનાનેય જાણ ક્યાં થઈ છે,
છેક ભીતરથી હું ઘવાયો છું!

નોંધ ક્યાં થઈ મારી હયાતીની,
હું મરણ બાદ ઓળખાયો છું!

જે મળે તે બધા કહે છે મને,
તારા કરતાં તો હું સવાયો છું!

એના નામે જ હું વગોવાયો
જેના હોઠે સતત ગવાયો છું!

એટલે ફૂલ મેં ચઢાવ્યાં છે,
હું જ આ કબ્રમાં દટાયો છું!

મારી ઓળખ હું ખોઈ બેઠો ખલીલ,
એટલી નામના કમાયો છું!

– ખલીલ ધનતેજવી

અમૃત ઘાયલની જાણીતી રચના ‘કેમ ભૂલી ગયા, દટાયો છું? આ ઈમારતનો હુંય પાયો છું’ની જમીન પર ‘ઘાયલ’ જન્મશતાબ્દીવર્ષ નિમિત્તે વડોદરા ખાતે યોજાયેલા તરહી મુશાયરામાં ખલીલભાઈએ રજૂ કરેલી ગઝલ આજે આપ સહુ માટે… ખલીલભાઈની સ્વયંસિદ્ધા ગઝલો કોઈ વિવેચકની કાપાકૂપીની મહોતાજ નથી હોતી…

6 Comments »

  1. Vineshchandra Chhotai said,

    January 21, 2017 @ 5:31 am

    Wonderful presentations by words n feeling by all means

  2. Rakesh Thakkar, Vapi said,

    January 21, 2017 @ 6:11 am

    Wah
    એટલે ફૂલ મેં ચઢાવ્યાં છે,
    હું જ આ કબ્રમાં દટાયો છું!

  3. KETAN YAJNIK said,

    January 21, 2017 @ 6:20 am

    ગમેી

  4. Vijay said,

    January 21, 2017 @ 12:57 pm

    Thank u.
    Very touching.
    It remind. Me association of GHAYAl SAHEB. Association with me during 1955-1960
    You pour heart in this.
    Vijay rana

  5. Narendra Bhalodkar said,

    January 21, 2017 @ 1:20 pm

    Great!
    I thoroughly enjoyed his presentation at the meeting.

  6. yogesh shukla said,

    May 9, 2017 @ 10:18 pm

    વાહ કવિ શ્રી ,

    બધાજ શેર દમદાર ,

    અતિ સુંદર શેર ,,,
    નોંધ ક્યાં થઈ મારી હયાતીની,
    હું મરણ બાદ ઓળખાયો છું!

RSS feed for comments on this post · TrackBack URI

Leave a Comment