એક છોકરો + એક છોકરી + કંઇક બીજું ? – રમેશ પારેખ
એક છોકરાએ સિટ્ટિનો હિંચકો બનાવી એક છોકરીને કીધું : ‘લે ઝૂલ’
છોકરાએ સપનાનું ખિસ્સું ફંફોસીને
સોનેરી ચોકલેટ કાઢી રે
છોકરીની આંખમાંથી સસલીનાં ટોળાએ
ફેંકી કૈં ચિઠીઓ અષાઢી રે
સીધી લીટીનો સાવ છોકરો ને પલળ્યો તો બની ગયો બેત્રણ વર્તુલ
છોકરીને શું ? એ તો ઝૂલી,
તે પછી એને ઘેર જતાં થયું સ્હેજ મોડું રે
જે કાંઇ થયું એ તો છોકરાને થયું
એના સાનભાન ચરી ગયું ઘોડું રે
બાપાની પેઢીએ બેસી તે ચોપડામાં રોજરોજ ચીતરતો ફૂલ.
– રમેશ પારેખ
આમ જુઓ તો કાવ્યની વિષયવસ્તુ કેટલી નાનકડી છે !! છતાં કેટલી સુંદર ગૂંથણી છે !!
Rakesh Thakkar, Vapi said,
November 15, 2016 @ 3:21 AM
સુંદર રચના !
CHENAM SHUKLA said,
November 15, 2016 @ 5:24 AM
Aflatoonn……No words for images
KETAN YAJNIK said,
November 15, 2016 @ 7:28 AM
એ ની એ જ રામાયણ અને એ નું એ જ મહાભારત
લયબદ્ધ
Shivani Shah said,
November 16, 2016 @ 11:59 AM
સુંદર રચના..કવિતા સાથે ઝૂલવાની મઝા પડી..છોકરાએ બાપાની પેઢીમાં જઇને ફૂલ ચિતર્યુ અને છોકરીએ ? રસોડામાં જઇને કંઈ ચિતર્યુ ખરું ? આખો ને આખો બગીચો ?
Rakesh Thakkar, Vapi said,
November 17, 2016 @ 3:59 AM
Nice Gazal
La' Kant Thakkar said,
November 18, 2016 @ 6:24 AM
એક આદિમ ઝંખના ……
પારસ-સ્પર્શ શો એક એહસાસ ….
સુવર્ણ-રજશી આનંદ-ક્ષણોને મેહસૂસ કરવાની જીવનની એક મહદ ઘટના !
ર.પા. … એટલે એંક આગવી ભાષા-શૈલી-રજૂઆતનું નામ .
આભાર ” તીર્થેશ”
Nikunj Zampadiya said,
May 26, 2017 @ 1:10 PM
ખુબ જ સુંદર રચના