કશેક શેષ સફરમાં બધાંનો ખપ પડશે
અરણ્ય, પંથ કે ઠોકર કશું નકામું નથી
રઈશ મનીઆર

એક છોકરો + એક છોકરી + કંઇક બીજું ? – રમેશ પારેખ

એક છોકરાએ સિટ્ટિનો હિંચકો બનાવી એક છોકરીને કીધું : ‘લે ઝૂલ’

છોકરાએ સપનાનું ખિસ્સું ફંફોસીને
સોનેરી ચોકલેટ કાઢી રે
છોકરીની આંખમાંથી સસલીનાં ટોળાએ
ફેંકી કૈં ચિઠીઓ અષાઢી રે

સીધી લીટીનો સાવ છોકરો ને પલળ્યો તો બની ગયો બેત્રણ વર્તુલ

છોકરીને શું ? એ તો ઝૂલી,
તે પછી એને ઘેર જતાં થયું સ્હેજ મોડું રે
જે કાંઇ થયું એ તો છોકરાને થયું
એના સાનભાન ચરી ગયું ઘોડું રે

બાપાની પેઢીએ બેસી તે ચોપડામાં રોજરોજ ચીતરતો ફૂલ.

– રમેશ પારેખ

આમ જુઓ તો કાવ્યની વિષયવસ્તુ કેટલી નાનકડી છે !! છતાં કેટલી સુંદર ગૂંથણી છે !!

6 Comments »

  1. Rakesh Thakkar, Vapi said,

    November 15, 2016 @ 3:21 am

    સુંદર રચના !

  2. CHENAM SHUKLA said,

    November 15, 2016 @ 5:24 am

    Aflatoonn……No words for images

  3. KETAN YAJNIK said,

    November 15, 2016 @ 7:28 am

    એ ની એ જ રામાયણ અને એ નું એ જ મહાભારત
    લયબદ્ધ

  4. Shivani Shah said,

    November 16, 2016 @ 11:59 am

    સુંદર રચના..કવિતા સાથે ઝૂલવાની મઝા પડી..છોકરાએ બાપાની પેઢીમાં જઇને ફૂલ ચિતર્યુ અને છોકરીએ ? રસોડામાં જઇને કંઈ ચિતર્યુ ખરું ? આખો ને આખો બગીચો ?

  5. Rakesh Thakkar, Vapi said,

    November 17, 2016 @ 3:59 am

    Nice Gazal

  6. La' Kant Thakkar said,

    November 18, 2016 @ 6:24 am

    એક આદિમ ઝંખના ……
    પારસ-સ્પર્શ શો એક એહસાસ ….
    સુવર્ણ-રજશી આનંદ-ક્ષણોને મેહસૂસ કરવાની જીવનની એક મહદ ઘટના !
    ર.પા. … એટલે એંક આગવી ભાષા-શૈલી-રજૂઆતનું નામ .
    આભાર ” તીર્થેશ”

RSS feed for comments on this post · TrackBack URI

Leave a Comment