ન હો જો કશું તો, અભાવો નડે છે,
મળે જો બધું તો, સ્વભાવો નડે છે.
હિમાંશુ ભટ્ટ

લોહી વહે ત્યારે – મુકુલ ચોકસી

આપણી અંદર મરી પરવારી ગયેલા કોઇએ,
બાગમાં પથ્થર બનીને જન્મ લેવો જોઇએ.

સ્વપ્નના ફાનસના અજવાળામાં જેને જોઇએ,
ખુલ્લી આંખોના આ અંધાપામાં તેને ખોઇએ.

ચાલુ ટ્રેને બારી પાસે બેસવાની વાતમાં,
બારીમાંથી કૂદવા જેવું ઝગડતા હોઇએ.

આંસુની અધિકૃત વિક્રેતા છે થોડી આંખ આ ?
ખાત્રીપૂર્વકનું ને જથ્થાબંધ ક્યાંથી રોઇએ !

પૂર માટે માત્ર સ્થાનિક વાદળો પૂરતાં નથી,
કંઇક ઉપરવાસમાં વરસાદ જેવું જોઇએ.

ખાઇ પીને નાહીને કવિતા નથી બનતી હે દોસ્ત !
લોહી વહે ત્યારે જ કાગળ વચ્ચે ધરવો જોઇએ.

– મુકુલ ચોકસી

ક્લાસિક મુકુલભાઈ……….

3 Comments »

  1. Dhaval Shah said,

    October 23, 2016 @ 10:51 am

    ખાઇ પીને નાહીને કવિતા નથી બનતી હે દોસ્ત !
    લોહી વહે ત્યારે જ કાગળ વચ્ચે ધરવો જોઇએ.

    – અમર શેર !!

  2. Jigar said,

    October 23, 2016 @ 11:57 pm

    waaah
    absolute gem

  3. કેયુર said,

    December 23, 2016 @ 1:58 pm

    વાહ! મુકુલ સર… છેલ્લો કાતિલ છે..

RSS feed for comments on this post · TrackBack URI

Leave a Comment