પૂરી જો થઈ જશે તો પછી કોણ પૂછશે ?
કિંમત છે એટલે કે તું ઈચ્છા અધૂરી છે.
વિવેક મનહર ટેલર

ગઝલ – વિહંગ વ્યાસ

પ્રથમ તો નીવડે નહીં ઉપાય કોઈ કારગત,
પછી કદાચ શક્ય છે કે દ્વાર ઊઘડે તરત.

અસંખ્ય કલ્પનો અહીં તહીં બધે ખરી પડ્યાં,
પરંતુ તારી જેમ કોઈએ કરી ન માવજત.

તને જ ચાહવા સહેજ દ્વૈત રાખવું રહ્યું,
હું અન્યથા તને અલગ જરાય ના કરી શકત.

રચાય પણ, વિલાય પણ, કદીક વ્યક્ત થાય છે;
ગઝલની આવ-જા યુગોથી ચાલતી હશે સ્વગત.

સદાય હાજરાહજૂર વર્તમાન ધન્ય છે,
ભવિષ્ય ભૂતકાળની શું કામ બાંધીએ મમત !

– વિહંગ વ્યાસ

મત્લાનો શેર વાંચતા જ હરિવંશરાય બચ્ચનની “કોશિશ કરનેવાલોં કી કભી હાર નહીં હોતી” કવિતા કે ‘કરતાં જાળ કરોળિયો” યાદ આવી જાય, પણ આ હમરદીફ-હમકાફિયા ગઝલમાં કવિએ એ જ વાત જે રીતે રજૂ કરી છે એ અંદાજે-બયાઁ મેદાન મારી જાય છે. એક તરફ બધા જ શેર ઉમદા થયા છે તો બીજી તરફ “લગાલગા લગાલગા” છંદોવિધાનનો હિલ્લોળા લેતો લય અને ચુસ્ત કાફિયાની બાંધણી ગઝલને વધુ આસ્વાદ્ય બનાવે છે.

7 Comments »

  1. મયુર કોલડિયા said,

    September 22, 2016 @ 2:06 am

    લગાલગા છંદોવિધાન જાળવવું અઘરું કામ છે જે કવિએ ખુબ સારી રીતે નિભાવ્યું છે અને એટલા જ ઉત્તમ શેર પણ આપ્યા…..
    ગઝલ ખુબ ગમી..

  2. Neha said,

    September 22, 2016 @ 8:31 am

    તને જ ચાહવા સહેજ દ્વૈત રાખવું રહ્યું,
    હું અન્યથા તને અલગ જરાય ના કરી શકત.

    Khub gamyo aa sher..

    Lg lg lg lg….. kya baat !!

  3. Ketan Yajnik said,

    September 22, 2016 @ 10:12 am

    છંદનું ગણિત નાતીઆવડ્તુ એટલી મારી કચાશ દ્વૈત – અદ્વૈત નો તરસ્યો ભાવ ગમ્યો

  4. nehal said,

    September 22, 2016 @ 11:05 am

    waah, maza aavi gai!

  5. Bharat Vinzuda said,

    September 22, 2016 @ 11:16 pm

    આ છંદમાં ગઝલ લખવી સહેલી નથી. આ કવિ સફળ થયા છે. અભિનંદન.

  6. Jigar said,

    September 23, 2016 @ 12:39 am

    vaah ustaad vash, trijo sher to jabardast !!

  7. Sudhir Patel said,

    September 24, 2016 @ 11:30 pm

    ગઝલના અઘરા છંદમાં ગહન વાત કરતી સહજ ગઝલ!

RSS feed for comments on this post · TrackBack URI

Leave a Comment