તાંદુલી તત્વ હેમથી ભારે જ થાય છે,
કિંતુ મળે જો લાગણી ત્યારે જ થાય છે.
જ્યાં ત્યાં કદીય હાથ ના લંબાવ; ઓ હૃદય !
મૈત્રીનું મૂલ્ય કૃષ્ણને દ્વારે જ થાય છે.
મુસાફિર

ગગન પણ ઉદાસ છે – મરીઝ

લાગે છે તેથી ભાર ને ધીમો પ્રવાસ છે,
ઓ જિંદગાની તારા હજારો લિબાસ છે.

બે ચાર શ્વાસ લેવાના ત્યાં શું પસંદગી?
અમને તો જે જગતની હવા હો એ રાસ છે.

આવો નહીં નજીક મગર દૂર તો રહો,
મૃગજળને પી શકું છું હવે એવી પ્યાસ છે.

જો જો તમે કે એ જ થવાનું ફરી ફરી,
હમણાં ભલે કહું છું આ આખર પ્રયાસ છે.

સિદ્ધિ મળી જ્યાં એક ત્યાં લાખો દિશા ખૂલી,
કોને ખબર કે મારો ક્યાં સુધી વિકાસ છે !

આવો તમે કે મારા નયનને જીવન મળે,
દર્શન તમારા એ જ તો આંખોના શ્વાસ છે.

લાગે છે તે વખત મને એકાંતની કદર
જ્યારે હું જોઉં છું કે બધા આસપાસ છે.

એ તો મળી ગયાં હવે સાચવવાં જોઈએ,
મંઝિલ છે હાથમાં છતાં ચાલુ પ્રવાસ છે.

થઈને હતાશ જોયું જો ઉપર અમે ‘મરીઝ’,
ત્યારે ખબર પડી કે ગગન પણ ઉદાસ છે.

– મરીઝ

6 Comments »

  1. Rakesh Thakkar, Vapi said,

    July 26, 2016 @ 6:12 am

    nice
    લાગે છે તે વખત મને એકાંતની કદર
    જ્યારે હું જોઉં છું કે બધા આસપાસ છે.

  2. KETAN YAJNIK said,

    July 26, 2016 @ 9:21 am

    મળ્યું તે માણ્યું
    બે ચાર શ્વાસ લેવાના ત્યાં શું પસંદગી?
    અમને તો જે જગતની હવા હો એ રાસ છે.
    salaam “Mareez”

  3. La Kant Thakkar said,

    July 27, 2016 @ 2:46 pm

    “….. મળ્યું તે માણ્યું
    બે ચાર શ્વાસ…”
    Good

  4. VISHAL JOGRANA said,

    August 1, 2016 @ 5:20 am

    સરસ

    સિદ્ધિ મળી જ્યાં એક ત્યાં લાખો દિશા ખૂલી,
    કોને ખબર કે મારો ક્યાં સુધી વિકાસ છે !

  5. Harshad said,

    August 2, 2016 @ 6:33 pm

    Awesome.

  6. mdpatel said,

    February 16, 2017 @ 2:32 am

    खूब खूब सरस सरजी।

RSS feed for comments on this post · TrackBack URI

Leave a Comment