અર્થો જુદા હતા – શ્યામ સાધુ
દુ:ખની દીવાલે મોર સમયના મૂંગા હતા;
લાગે છે એટલે જ આ આંસુ ઊનાં હતાં !
હોવાનો અર્થ આ રીતે અહીંયાં જટિલ છે,
છે દ્વાર ક્યાં ? છતાંય કહે છે : ખૂલાં હતાં !
પરબીડિયાની વચ્ચે ઉદાસી ઊગી હશે,
શબ્દો તો એના એ જ છે, અર્થો જુદા હતા.
કૃપા કરીને ખુશબો અલગ તારવો નહીં,
ફૂલોની વચ્ચે થાકીને રંગો સૂતા હતા !
દિવસો જ દોસ્ત જેમ અહીં આથમી ગયા,
સૂરજની જેમ નહીં તો અમે પણ ઊભા હતા !
– શ્યામ સાધુ
કોમળ શબ્દો….સુંદર ગૂંથણી….મનનીય અર્થ….
નિનાદ અધ્યારુ said,
June 14, 2016 @ 1:50 AM
કૃપા કરીને ખુશબો અલગ તારવો નહીં,
ફૂલોની વચ્ચે થાકીને રંગો સૂતા હતા !
દાદુ શ્યામ સાધુ …!
KETAN YAJNIK said,
June 14, 2016 @ 4:50 AM
સહમત્
Yogesh Shukla said,
June 14, 2016 @ 3:50 PM
સુંદર રચના ,..ફક્ત મારા માટે ભારીખમ શબ્દો સાથેની ,,,સમજવા માટે થોડો ગઝલ અનુભવ જરૂરી છે
Vineshchandra chhotai said,
June 15, 2016 @ 9:46 AM
bahuj saras vato ,bahuj saras rajuvat
VISHAL JOGRANA said,
August 6, 2016 @ 5:20 AM
દિવસો જ દોસ્ત જેમ અહીં આથમી ગયા,
સૂરજની જેમ નહીં તો અમે પણ ઊભા હતા !
અમે પણ ઊભા હતા! વાહ સરસ